VOV4.K’ho- Mho ngai 14/12, tàm dơ̆ lòt còp ngan ngồn lơgar Hàn Quôk, Củ tịc Quôk hội ồng Vương Đình Huệ neh cribơyai broă mờ Thủ tướng lơgar Hàn Quôk ồng Kim Boo Kyum. Tàm dơ̆ wă rò, Thủ tướng Hàn Quôk ồng Kim Boo Kyum đơs niam ngan bơta kuơmàng dơ̆ lòt còp bơh Củ tịc Quôk hội ồng Vương Đình Huệ dê, pơgồp bơnah sơnđờm lam lơh ală broă lơh tơngkah kir sơnrai 30 nam lơh bơta gĭt gơ̆p lơh broă bal đah Việt Nam mờ Hàn Quôk nam 2022; mờ đơs là, gĭt gơ̆p kơ̆ kơl jăp đah 2 Quôk hội tơngŏ bồ tơngoh, bơta kơ̆p kờñ bơh làng bol 2 lơgar dê.

Tàm dơ̆ tìp măt, bàr gah ring bal lơh broă bal lam lơh bàr pe tơngume pơgồp bơnah tơnguh bơta gĭt gơ̆p lơh broă bal đah 2 lơgar tàm tơngai tus, sơlơ rề ơnàng lơh broă bal tàm gah sền gàr bơta lơngăp lơngai, sền gàr dà lơgar, lơh broă bal lam lơh ală broă lơh tơngkah kir sơnrai 30 nam lơh bơta gĭt gơ̆p lơh broă bal đah 2 lơgar.

Cau mblàng Lơ Mu K’Yến