VOV4.K’ho - Lơh broă mờ kuang đơng lam tờm càr Vĩnh Phúc bè cồng nha broă bơyai lơh jăt Nghị quyết Pơrjum dờng Đảng gùt lơgar dơ̆ 13 mờ Nghị quyết Pơrjum dờng Đảng ƀộ càr Vĩnh Phúc dơ̆ 17, Củ tịc Quốc hội ồng Vương Đình Huệ đơs: tơnơ̆ mờ 25 nam, càr Vĩnh Phúc neh sơrlèt pràn kơl dang, gơs càr niam bè broă tơnguh bơtàu lơh sa mpồl bơtiàn, bè hòi jà bơcri priă tàm tiah lơh sa tờm hờ đah tô mờ tàm gùt lơgar.

Đơs tàm dơ̆ lơh broă, Củ tịc Quốk hội ồng Vương Đình Huệ sồr càr Vĩnh Phúc pơn jăt tai lơh jăt geh cồng nha Nghị quyết Pơrjum dờng Đảng dơ̆ 13 mờ Nghị quyết Pơrjum dờng Đảng ƀộ dơ̆ 17 càr dê, ală chỉ thị, nghị quyết, kơrnoăt bơh Dà lơgar bè bơ̆t bơtàu Đảng. Tơrgùm lơh jăt ndrờm bal, lơh geh cồng nha jăt mờ jơnau kờñ geh rơcang sơndră mờ kòp Kovid-19, mờ geh brồ guh, tơnguh bơtàu lơh sa mpồl bơtiàn, sền gàr niam ngan bơta pràn kơl dang să jan, màng kis bơh làng bol bal mờ bơrgùm bơsong ală kal ke tus mờ broă lơh sa, kă bro, dong kờl geh cồng nha ai làng bol mờ mpồl lơh sa kă bro in.

Cau mblàng Ndong Brawl