VOV4.K’ho- Mho mang ngai 20/12, tàm Hìu Quôk hội, Củ tịc Quôk hội ồng Vương Đình Huệ neh tìp măt ală Đại sứ, Kwang ătbồ anih lơh broă ala măt lơh broă mờ lơgar ndai lơgar Việt Nam dê tàm lơgar ndai rê Pơrjum Lơh broă mờ lơgar ndai dơ̆ 31. Tơm bơh bơr tàm dơ̆ tìp măt, Củ tịc Quôk hội ồng Vương Đình Huệ tam pà bal mờ gah lơh broă mờ lơgar ndai kung bè anih lơh broă ala măt lơh broă mờ lơgar ndai tàm bơta broă lơh lơh broă mờ lơgar ndai tàm lơgar ndai, geh ală anih lơh broă ơm ngài ngan mờ Dà lơgar.

Củ tịc Quôk hội tìp măt ală đại sứ, kwang ătbồ anih lơh broă ala măt lơh broă mờ lơgar ndai lơgar Việt Nam dê tàm lơgar ndai

Tơngai lài, Đại sứ quán mờ anih lơh broă ala măt lơh broă mờ lơgar ndai lơgar Việt Nam dê tàm lơgar ndai kung gơtìp gơrềng kơn jơ̆ kơn jŭt sơl tài bơh kòp Kovid-19. Quôk hội, Ủy ƀan Thường vụ Quôk hội bal mờ Đảng, Dà lơgar kung sền gròi ngan tus broă tơnguh uă khà priă nhai ai kwang bàng lơh broă mờ lơgar ndai in kung bè bơcri priă lơh hìu duh broă ală đại sứ quán, anih lơh broă ala măt lơh broă mờ lơgar ndai lơgar Việt Nam tàm lơgar ndai in. Mơya, uă tiah kung gam sơl uă kal ke, bòl glar. Tàm bơta hơ̆, ală đại sứ, kwang ătbồ anih lơh broă ala măt lơh broă mờ lơgar ndai lơgar Việt Nam tàm lơgar ndai kung gam lơh ngan sơrlèt gan jơh ală bơta kal ke nàng lơh broă mờ lơh geh cồng nha niam.

Cau mblàng Lơ Mu K’Yến