VOV4.K’ho – tàm mho òr (13/12), tàm dơ̆ tus còp mùl màl lơgar Hàn Quôk, tàm càr lơgar Seoul, Củ tịc Quôk hội ồng Vương Đình Huệ bal mờ Củ tịc Quôk hội lơgar Hàn Quôk ồng Park Byeong Seug neh tus pơrjum cri bơyai Mpồl lơh sa kă bro đah lơgar Việt Nam mờ lơgar Hàn Quốc.

Đơs tàm pơrjum cri bơyai, Củ tịc Quôk hội ồng Vương Đình Huệ đơs tờm, Quôk hội lơgar Việt Nam kờñ bal broă tơnguh broă lơh git gơ̆p đah lơgar Việt Nam mờ lơgar Hàn Quôk tus khà broă lơh git gơ̆p bal jŏ jòng tơl ală bơta. Pơrjum do geh gơs bơta pràn tơnguh broă lơh sa bal đah bàr lơgar. Jơnau yal mờ ală mpồl lơh sa kă bro lơgar Hàn Quốk bè bơta tàm lơgar Việt Nam, ală cồng nha kuơ màng bè broă sền gròi kòp Kovid-19 mờ tơnguh lơh sa tàm tơngai do, Củ tịc Quôk hội đơs bơta pràn lơh sa dờng lơgar Việt Nam gam ring niam, Cíñ phủ lơgar Việt Nam gam gơ̆t bơtàu broă lơh tơrgùm bal bè broă rơcang sơndră mờ kòp Kovid-19 jăt broă lơh jŏ jòng gơdờp bal, ndrờm bal, ờ do ờ dă, sền gròi geh cồng nha kòp gơtờp. Bồ nam 2022, lơgar Việt Nam geh tơrlòng pờ wơl ală gùng par dunia, ai tơl bơta ƀuơn ală mpồl lơh sa kă bro in lòt rê, lơh broă bal.

Cau mblàng Ndong Brawl