VOV4.K’ho- Tàm dơ̆ lòt còp ngan ngồn lơgar Ấn Độ, Củ tịc Quôk hội ồng Vương Đình Huệ wă kuang đơng lam bồ ală Tập đoàn, Kông ty dờng tàm lơgar Ấn Độ. Wă mò Roshni Nadar Malhotram, Củ tịc Mpồl duh broă đơng pơlam Kông ty kông nghệ HCL là cau ùr pas ngan rlau jơh lơgar Ấn Độ mờ ơm tàm mat 100 nă cau ùr geh gơnoar ngan rlau jơh jat khà sap sèng bơh Forbes dê nam 2019.

Tàm dơ̆ wă Kuang đơng lam bồ Kông ty kông nghệ HCL, Củ tịc Quôk hội ồng Vương Đình Huệ nting bơr gờm chờ HCL neh gơ gơs là dùl tàm 3 kông ty kông nghệ dờng ngan rlau jơh bơh lơgar Ấn Độ dê, kuơmàng tàm gah kông nghệ mờ bơto bơtê cau lơh broă geh bơta niam uă.

Cau pas geh priă tơmàn ồng Prakash Hinduja, Tập đoàn Hinduja, là 1 tàm ală Kông ti hìu bơnhă dờng ngan rlau jơh dunia, Củ tịc Quôk hội ồng Vương Đình Huệ pà git, bơcri priă bơh lơgar Ấn Độ dê tàm lơgar Việt Nam kung gam lơyah pơndrờm mờ bơta pràn, bơta niam ù tiah bơh 2 lơgar dê; ai tơnggŏ bơta kơp kờñ dơ̆ lòt còp ngan ngồn lơgar Ấn Độ dơ̆ do mờ bơta tus bal bơh ală kuang geh jơng tàm Cíñ phủ, Ƀộ, gah broă lơh dê geh lơh gơlik bơta bơcri priă pa bơh Ấn Độ tàm Việt Nam.

Cau mblàng K’Duẩn