VOV4.K’ho - Tàm tu\ tàm nhai tờm ngan nhơl chờ kàl rlô bơkang nam 2018, broa\ lơh bơh ‘’cau lơh kòn gùng’’ nhơl chờ tàm [òn dờng Dà Làc, Lâm Đồng gam sùm gơbàn. Anih lơh broa\  geh gơnoar bơh [òn dờng Dà Làc gam lơh ngan bơsong, lơh niam wơl bơta gơbàn ờ niam do.

Tàm ala\ ngai do, khà cau nac tus Dà Làc nàng nhơl chờ  gal ngan  nàng  lòt nhơl  tàm kàl rlô bơkang kung la  bơta gơbàn ‘’cau lơh kòn gùng’ nhơl chờ tàm [òn dờng gơ guh ua\ sơl. Tềng lơi kung go\ gơbàn bơta tam dui\ tàm hòai, lòt jat cau nac,  mơya gal ngan  gam la  tàm tiah tam gùl [òn dờng, tàm ala\ gùng Bùi Thị Xuân, Phù Đổng Thiên Vương, Nguyên Tử Lực mờ ờ ua\ anih nhơl chờ tàm [òn dờng.

Tàm  tiah nhơl chờ Sươn bơkàu [òn dờng Dà Làc, tiah tu\ lơi kung sùm geh rlau jơt na\ cau lơh kòn gùng  nhơl chờ, cau ma\y rơndeh nac Đặng Hòang Tuấn tus bơh Bình Dương ờ suk ngan,  tài bơh lơh bè ờ git jơnau  jà se\ blơi phan  bơh 2 na\ cau lơh kòn gùng do mờ jơh mờ mpồl nac nhơl chờ neh gơbàn kơh kal ke mờ pơhìn:

Dà Làc den  guh tàm do  dơ\ do la dơ\ 2, khi go\ he pa tus, go\ cau ma\y rơndeh lơi gơ lơh wi wơ den khi jat lòt jà, mờ  dilah rơndeh ờ se\ den khi jòi jơnau den tàng he pal se\. Den khi jòi jơnau mờ broa\ lơh pơhìn mờ kờ` pờng rơndeh, nac ờ kờ` ngan bơta do. Đơs ngan  bơta  gơbàn ờ niam do pal sang jơh, dilah ờ  den geh lơh aniai tus tềng  anih cau lơh  broa\ ngan ngồn, lơh sơ ềl cau nac mờ kung lơh sơ ềl ua\ tiah ndai tai.

Jat kuang àng [òn dờng Dà Làc, Lâm Đồng, tàm tơngai do mpồl neh kup, bơsong mờ lơh glài  tus mờr 60 tơlak pria\ tus mờ rlau 60 na\ cau geh broa\ lơh tiếp thị bơh la cau lơh kòn gùng  nhơl chờ nàng hòai jà, tam phà mờ bơklơn cau nac ngui ala\ broa\ lơh nhơl chờ. 58  hìu ka\ bro phan `ô sa, phan  ka\ bro  krơi is, lòt sền  sươn dâu sa plai tàm Dà làc kung gơbàn bơsong kràn ngan bè broa\ lơh blơ\ blac ka\ bro, tac phan ờ  bơh anih lơh mờ geh ngui cau lơh broa\ la cau kòn gùng nhơl chờ, mờ khà pria\ geh tus 220 tơlak pria\. Mơya, broa\ lơh bơh ala\ cau kòn gùng nhơl chờ do gam ờ gơ mù, geh tu\ gam slơ gal cau rlau wơl, lơh ờ suk ngan cau nac mờ lơh gơbàn tung lơtang  [òn  drà tàm [òn dờng.

 Ồng Phan Tất Chi, Phó kuang atbồ kuang àng [òn dờng Dà Làc ai git,  mờ bơta lơh ngan lơh niam  wơl broa\  gơbàn ờ niam do,  bal mờ broa\ mblàng pơlam, lam sồr mờ sồr ala\ anih ka\ bro   bơta drơng ơla nhơl chờ tàm [òn dờng pal  mut lơh nền nòn pơrgon ờ tơngguh pria\, ờ bơklơn khà pria\ ờ ngui cau lơh broa\ la cau lơh kòn gùng  tiếp thị nàng hòai jà, tam phà nac. Kuang àng [òn dờng Dà Làc kung gam nhap nhar mut lơh ai cau tàm mpồl nàng tơngguh broa\ lòt sền mờ bơsong:

Bol a` kung neh dong broa\ ai tus UBND [òn dờng Dà Làc  sồr jơh ala\ anih ka\ bro pal pơrgon, dilah ờ mut lơh pơrgon  broa\ ờ ngui cau lơh broa\ la cau kòn gùng nhơl chờ, ờ tơngguh pria\,  ka\ bro ala\ phan ờ loh anih lơh den pal lơh ngan bơsong. Bol a` kung neh geh dùl mpồl  geh kuang àng, gah lơh sa phan bơna, mờ mpồl  atbồ drà ka\ bro bơyai lơh broa\ do tàm lài mờ tàm nhai rlô bơkang. Bol a` neh jàu kơnòl, dilah sơnah [òn lơi lời gơlik geh cau lơh kòn gùng nhơl chờ  ua\ den  cau lơh kuang atbồ kuang àng sơnah [òn hơ\ pal kong kơnòl.

Cau mblàng K’ Brọp