VOV4.K’ho - {òn dờng Dà Làc, càr Lâm Đồng gam tàm nhai nhơl chờ kuơ màng ngan tàm nam. Nàng lơh geh bơta pa, Dà Làc gam sền kuơ tus nhơl chờ bơh broa\ lơh sa suơn sre, mờ bơta kơp kờ` do geh la bơta gơ hòi gơ jà tus mờ cau nac tàm lơgar mờ bơh lơgar ndai.

            Bơh bồ nam 2018 tus tu\ do,  [òn dờng Dà Làc, càr Lâm Đồng neh gơ hòi git nđờ rhiang rbô na\ cau nac tàm lơgar mờ bơh lơgar ndai tus lòt  nhơl, ơm rlô sa\. Bơta pal đơs ngan, bơdĩh ala\ anih geh lòt nhơl bơhìan geh bơh Dà Làc, gal ngan cau nac nhơl chờ jòi tus ala\ anih nhơl chờ lơh broa\ sa suơn sre nàng geh tus sền mờ sa\ tờm tus lơh.

            Geh  tus tàm dùl anih nhơl chờ lơh sa suơn sre pa geh ai ngui tàm di bồ sơnam pa tàm dùl anih tàm sơnah [òn 9, [òn dờng Dà Làc, geh sa\ tờm ngan tus mờ jòi git wa\ ala\ phan biap, bùm, plai ala\ bơta geh tam, sơng ka sền gàr mờ công nghệ pa ngan jat broa\ lơh ngan ờ do ờ da\, lo\ Nguyễn Thị Nhung,  cau nac tus bơh [òn dờng Hồ Chí Minh geh đơs do la dùl broa\ tus ngan bềng bơta niam:

            He gơ lơh go\ gơ kờ` ngan tu\ geh tus lòt sền, nhơl anih nhơl chờ suơn lơh broa\ sa bè do Tài tu\ tus tàm do, he neh sa\ tờm sền go\ chi tam gơ geh tam dờng mờ hòn dờng tàm ù tiah bè lơi. Bơh hơ\, he hơ\ sồng git loh geh công nghệ tam jat sinh học, jat broa\ lơh kloh là bè lơi, broa\ cau lơh broa\ sa lơh nàng lơh geh phan  bơna niam, phan bơna tơl khà niam ờ do ờ da\ ai tus cau ngui geh cau lơh broa\ sa lơh bè lơi.

            Mờ lo\ Nguyễn Thị Hằng, cau nac tus bơh [òn dờng Hà Nội, tơnơ\ tu\ tus lòt nhơl mờ sa\ tờm rwah pic ala\ plai dâu tây dum pơrhê tàm dùl anih nhơl chờ lơh broa\ sa suơn sre tàm sơnah [òn 8, [òn dờng Dà Làc, lo\ geh đơs la broa\ lơh nhơl chờ do kờ` pal geh lơh ua\ mờ bơcri geh lơh niam rlau, ờ mìng is tàm Dà Làc mờ gam pal geh bơtàu tơngguh ua\ ơnàng tàm ua\ tiah ndai tàm lơgar:

            A` neh lòt tus tàm ua\ tiah, ua\ lơgar bloh mơya tus tu\ do den gơ krơi is ngan, go\ suơn bè do mờ gơ hòi  gal ngan cau nac nhơl chờ jơh bal cau dờng mờ kơnòm dềt tus sền. Mùl màl do la dùl broa\ lơh nhơl chờ kờ` pal geh lơh ua\ ờ mìng la tàm Lâm Đồng mờ gam bal tàm gùt lơgar.

            Bơh bơta  kờ` tus lòt sền,  broa\ tus lơh bal bơh cau nac slơ ngai slơ gơ guh ua\,  bơdĩh rlau jơt anih nhơl chờ tàm suơn lơh sa suơn sre geh bơcri di pal, tu\ do ua\ ngan ala\ anih nhơl chờ bơh lơh sa suơn sre bơh Dà Làc drờm geh lơh is, ờ geh lơh tơl ala\ bơta bè phan bơna, gùng lòt tàm dơlam, anih ơn rơndeh… geh is geh ờ ua\  anih nhơl chờ bơh lơh sa suơn sre pờ mpồng nàng gơ hòi cau nac tus lòt nhơl den mìng nàng tac ala\ phan lơh geh mờ  khà pria\ kas.

            Jat bi Dương Ngọc Lan, Kong ti nhơl chờ Dà Làc tơlir, dùl tàm ala\ mpồl mờng ngan  bơyai lơh ngui ala\ tour lòt nhơk ai cau nac in, nàng geh lơh niam wơl ala\ bơta gam ờ niam do kung nàng nhơl chờ bơh lơh sa suơn sre mùl màl bơtàu tơngguh kơljap, bơdĩh mờ  dong bơta buơn bòai bơh gơnoar atbồ [òn lơgar, ngan la sa\ tờm ala\ cau lơh suơn kung pal lơh di pal ala\ broa\ lơh kờ` ngan  bè khà niam bơh broa\ drơng nac jat geh cih:

            Ala\ broa\ lơh nhơl chờ  bơh lơh sa suơn sre tàm Dà Làc den bềng bơta ua\ ngan, la anih gam ta\ pơ gồp  dờng ngan tàm pang rùp bal bơh gah nhơl chờ bơh Dà Làc dê. Nàng ala\ broa\ lơh nhơl chờ lơh sa suơn sre do geh gơmut tàm  bơta jrô ơnàng kung dờng ơnàng tus mờ cau nac. Den gơnoar atbồ [òn lơgar kờ` pal dong tơl bơta  buơn bòai ai làng bol in bè  gah adat boh lam,  dong khi mblàng pơlam,  yal tơngit ala\ broa\ lơh lơh sa geh cồng nha. Ngan  rlau tai la, hơ\ la bơh ala\ cau lơh sươn kung kờ` pal bơcri bè ala\ bơta phan  bơna.

            Jat sền rwàng bơh gah nhơl chờ càr Lâm Đồng, tu\ do ala\ anih nhơl chờ lơh sa suơn sre bơh ala [òn dờng Dà Làc gam gơ gơs la anih tus gơ hòl gơ jà nac tus sền mờ sa\ tờm tơn tus lơh bal. Bơta do ai go\,  broa\ sền kuơ mờ ai nhơl chờ lơh sa  suơn sre tàm  broa\ lơh bơtàu tơngguh kơljap bơh gơnoar atbồ lơgar la dùl broa\ lơh niam. Bơta ndai, UBND càr Lâm Đồng neh  lơh gơs ai ngui 30 broa\ lơh nàng geh dờp ala\ broa\ lơh nhơl chờ bơh lơh sa suơn sre, nền nòn ngan gơ tùi ai bơh ala\ broa\ lơh nàng geh sền wơl bè mpồng gờm, anih wa\ nac, kbàng pơlam, phan bơna drơng nac geh anih lơh, geh cau pơlam, geh gùng lòt is tàm dơlam, ba\ suơn pal kloh niam, rài is ù tiah  pal kloh…

            Mò Nguyễn Thị Bích Ngọc, Phó kuang atbồ Sở Văn hóa, Thể thao mờ Du lịch càr Lâm Đồng đơs la,  do la ala\ broa\ lơh geh pơ gồp nền nòn tàm ala\ geh cih bơh dà lơgar, nàng bơh hơ\ gah nhơl chờ càr Lâm Đồng geh bơyai lơh sền wơl, mblàng ala\ bơta niam, bơta gam ờ niam kờ` dong ala\ mpồl bơyai, cau dùl na\ sa\ bơtàu tơngguh khà niam bơh lơh sa mờ broa\ lơh ơla  bơh broa\ nhơl chờ lơh sa suơn sre he dê:

            Kờ` gàr niam tus broa\  lơh bơh nhơl chờ lơh sa suơn sre bơtàu tơngguh di khà mờ kơljap, den pal nhap nhar sùm gàr niam ala\ broa\ lơh neh geh dờp. Tài geh ua\ mpồl den tu\ do neh tơl ala\ broa\ lơh mơya dilah broa\  lơh ờ geh sền gàr niam, ờ niam den  ala\ broa\ hơ\  geh ờ gam di pal tai dilah ala\ mpồl hơ\ ờ gam sền gròi. Mơ kung, ala\ mpồl geh pal geh lơh lài nàng gơ hòi cau nac tus ala\ mpồl he dê, mơya broa\ ndai pal gàr niam broa\ lơh  lơh sa ka\ bro, bè broa\ lơh mờ he gam tam lơh sa.

            Mờ ala\ broa\ lơh tàm broa\ lơh dong kờl, dong tơl ala\ bơta bươn bòai nàng broa\ lơh nhơl chờ  pa do geh bơtàu tơngguh di  gùng pơlam, bal mờ bơta pràn tàm bơtàu tơngguh lơh sa suơn sre công nghệ cao bơh [òn lơgar, pin la, broa\ lơh nhơl chờ lơh sa suơn sre bơh Dà Làc, càr Lâm Đồng  geh ua\ bơta kơp kờ` nàng bơtàu tơngguh kơljap tàm tơngai tus.

                                                Cau cih mờ yal tơnggit K’ Brọp