VOV4.K’ho - Mpồl lơh broă bơh Đảng dà lơgar dê bơh ồng Trần Quốc Vượng, Ủy viên Bộ Chính trị, Chủ nhiệm Ủy ban sền sơwì dà lơgar lam bồ neh geh dơ\ lơh broă mờ kuang đơng lam bồ Tỉnh ủy Lâm Đồng bè bơta bơtàu tơnguh broă lơh sa - mpồl bơtiàn, sền gàr ngap lơngai - sền gàr dà lơgar, bơt bơtàu mpồl lơh broă chính trị; broă lơh sền sơwì, sền gròi, lơh glài Đảng, rơcang sơndră sa kuề sa kùa, hoàc huơr.

Đơs tàm dơ\ lơh broă, ồng Trần Quốc Vượng đơs tờm, Lâm Đồng neh lơh jat geh cồng nha ală nghị quyết bơh Đảng dê, ờ uă broă lơh geh cồng nha mờ sơr lèt rlau mờ khà kờp bal bơh gùt lơgar dê. Niam ngan rlau jơh là tơnguh cồng nha lơh sa suơn sre geh rlau 165 tơlak priă tàm 1 lồ tàm 1 nam; gah nhơl chờ gơ hòi gơ jà ngai sơlơ uă nac nhơl chờ tus. Lâm Đồng neh lơh niam broă lơh rơndap lài kuang bàng đơng lam bồ, atbồ ală kơnă; broă lơh bơt bơtàu Đảng, lơh niam broă sền sơwì, sền gròi… Tơngai tus, Lâm Đồng kờ` pal tơr gùm ngui geh cồng nha ală bơta pràn geh pơn rơ bơh càr dê, tàm hơ\ sền gròi tus bơtàu tơnguh lơh sa suơn sre ngui công nghệ cao, rơndap ù tiah bơt bơtàu tiah drà, sền gàr ală bơta niam chài krơi ngan bơh Dà Làc dê.

                   Cau cih mờ yal tơnggit K’Duẩn