VOV4.K’ho- Mang ngai 28/9, UBND ƀòn dờng Đà Nẵng ai ngui Chỉ thị bè broă lơh jat ală broă lơh gơdờp ờdo ờdă, ngăc ngar, gròi sền geh cồng nha kòp Covid-19. Chỉ thị do đơs 9 broă lơh rcang sơndră kòp tàm bơta pa. Tờm ngan là pơn jat tai sồr lơh jat nùs nhơm sơnah ƀòn, xã, tiah drà, tổ dân phố là “anih”, làng bol là anih tờm, cau tờm lơh nền lơh geh cồng nha tàm broă lơh rcang sơndră kòp. Kuơ màng, ƀòn dờng sồr lơh jat mờ bơyai lam lơh geh cồng nha 6 bơta pal jat gơdờp ờdo ờdă, ngac ngar, gròi sền geh cồng nha kòp Covid-19 bơh Thủ tướng Chính phủ dê sồr.

UBND ƀòn dờng Đà Nẵng sồr, gơwèt mờ tiah gam lơh jat broă ai ơm yah ngài bơh gah lơh sơnơm halà geh crơng gơs tŭ geh cau bơtờp kòp Covid-19 pa tàm mpồl bơtiàn; pơn jat tai lơh niam broă lơh ai ơm yah ngài “cau ơm tiah lơi den ơm mŏ tềng hơ̆”. Gơwèt mờ ală tiah gam wơl, ƀòn dờng pơn jat tai ơm ing ơm lơh broă ing ală broă lơh lơh sa kă bro, drơng broă nhơl chờ, lơh rài bồ tơngoh, anih lơh niam să jan (ờ kờp ală anih koh siăt soh, um bồ), karaoke, mát-xa, quán bar, anih tam ya, anih lơh lơma, anih drơng broă internet mpồl bơtiàn.

Cau mblàng K’Hạnh