VOV4.K’ho- Dờp jơnau jà bơh Chủ tịch AIPA, Chủ tịch Hội đồng crơng gơs adat boh lam lơgar Brunei Darussalam ồng Pehin Dato Abdul Rahman Taib, Mpồl Kuang bàng kấp dờng màng Quốc hội Việt Nam bơh ồng Vương Đình Huệ- Chủ tịch Quốc hội lơgar Việt Nam lơh Kuang atbồ Mpồl tus bal pơrjum Đại hội đồng ală Nghị viện ală lơgar ASEAN dơ̆ 42 (AIPA-42) jat broă lơh pờ tơlik tơn tàm internet, geh bơyai lơh bơh ngai 23-25/8/2021 mờ tơngume “Bơtàu tơnguh bơta gĭt gơ̆p lơh broă bal Nghị viện tàm gah kỹ thuật sồ glòm jơh bal wèt tus Mpồl bơtiàn ASEAN nam 2025”.

Do là pơrjum geh bơta kuơ dờng màng ngan, là broă lơh lơh broă mờ lơgar ndai uă lơgar ngan ngồn sơnrờp bơh ồng Vương Đình Huệ- Chủ tịch Quốc hội mờ Mpồl Kuang bàng kấp dờng màng Quốc hội Việt Nam tàm tơngai lơh broă khoá 15 dê. Tàm pơn jat tai ală cồng nha hơ̆, tàm pơrjum Đại hội đồng AIPA-42, Chủ tịch Quốc hội ồng Vương Đình Huệ geh yal tơngĭt tus mờ gơ̆p bơyô tàm tiah do mờ mpồl bơtiàn dunia in jơnau yal tơngĭt bè dùl dà lơgar Việt Nam sùm tam gơl pa; Quốc hội Việt Nam geh kơnòl, lơh ngan mờ rcang lài tàm broă lơh broă bal ală Nghị viện uă lơgar tàm tiah do, rcang lài, lơh ngan, lòt bal mờ Chính phủ tàm broă bơtàu tơnguh lơh sa- mpồl bơtiàn mờ broă lơh rcang sơndră kòp Covid-19.

Cau mblàng K’Hạnh