VOV4.K’ho- Dờp lơh kơnòl broă tàm dùl mpồl lơh broă sùm tam dră mờ yàng ờ ngan Hà Mòn, Tin lành Đê Gar, ală nam do, Đại úy Bùi Ngọc Đông (deh nam 1984), Đội phó Đội lơh broă ù tiah Đăk Đoa- Mang Yang, Phòng Lơngăp lơngai Kòn cau (PA90), Kuang àng càr Gia Lai dê neh lơh gơs jak ngan kơnòl broă, pơgồp bơnah gàr kơ\ lơngăp lơngai tàm [òn lơgar.

Ờ mìng bè hơ\ lơm, mờ bơta jơh nùs, song dơ pă, pơndềt să, jơh nùs jơh tồr tài làng bol bơh bi dê kung neh lời wơl ală jơnau kah niam bơne\ ngan tàm nùs nhơm làng bol kòn cau Bahnar tàm kơnhoàl Mang Yang, càr Gia Lai.

         Tàm dơlam hìu rơkàng tìm mờ kiă niam bơne\, dờng ơnàng ngan, bi Phơi, cau Bahnar ơm tàm [òn Kdung, xã H’ra, kơnhoàl Mang Yang đơs là, đại úy Bùi Ngọc Đông là cau dong kờl bơh hìu bơnhă he dê.

Nam 2010, bi lòt tìs gùng tìs dà jat yàng ờ ngan Hà Mòn mu\t tàm brê kròng. Tàm tu\ pơ ùr mờ kòn bi Phơi dê gam jơgloh r[ah ngan bòl glar kal ke ngan, Đại úy Bùi Ngọc Đông neh tus jà hìu bơnhă hòi jà bi rê wơl tơlik mat. Rê hờ [òn, bi Phơi geh tai đại úy Đông dong kờl lơh tơn jơh bơta bàs sìl mờ [òn lơgar, bơh hơ\ lơh ngan pơđơl pràn lơh sa.

Bi Phơi yal: Bi Đông sùm tus tàm hìu boh bơr pơndờm pơnđiang a` nàng a` ờ go\ di lòt tìs gùng tai, ờ go\ di iat jat cau iơh tai. A` sền bi Đông bè oh mi tàm hìu bơnhă sơl. Đông bơto pơlam tai a` tàm broă lơh ngan lơh sa, tam kơphê nàng hìu bơnhă, pơ ùr mờ kòn a` dê ờ gơtìp jơgloh r[ah, bòl glar kal ke tai. Tu\ do, rài kis hìu bơnhă a` neh tơl ngui tơl să mờ kơ\ kơl jăp.

Ồng Ướt là cau kra [òn pà gi\t, [òn Kdung, xã H’ra, kơnhoàl Mang Yang lài do neh geh tu\ là [òn ờ geh kơ\ kơl jăp bè chính trị mờ jơgloh r[ah kal ke ngan tài bơh geh gi\t nđờ jơ\t nă cau lòt jat yàng ờ ngan Hà Mòn, dô pồn tàm brê kròng.

Mơya, bơh nam 2012 tus tu\ do, đại úy Bùi Ngọc Đông bal mờ mpồl lơh broă ù tiah Đăk Đoa- Mang Yang, Phòng PA90 ntrờn jơh tơn tàm do rê ơm bal, sa bal, ơm kis boh bơr bal mờ mờ dà kòn cau Bahnar den yàng ờ ngan Hà Mòn neh ngan ngồn gơtìp kơryan jơh.

Ồng Ướt yal, đại úy Bùi Ngọc Đông neh tus tơl hìu, tìp tơl nă cau nàng mblàng yal làng bol in gi\t ngan ngồn nùs nhơm bơh yàng ờ ngan Hà Mòn dê, bơh hơ\ rơcang ngan kơrhia lài, ờ go\ di iat jat jơnau pơrlồm pơn jồ bơh bol iơh dê, tơrgùm bơtàu tơnguh lơh sa.

Kung bơh nam 2012 tus tu\ do, đại úy Bùi Ngọc Đông pơgồp bal mờ cau kra [òn, cau atbồ [òn mờ cau geh bơngă pin dờn tàm [òn lơgar hòi jà gi\t nđờ jơ\t nă cau dô mpồn mờ tam dră wơl mờ dà lơgar gi\t gơjra` sang glài rê wơl hờ [òn lơgar, lơh tam gơl wơl rài kis. Làng bol [òn Kdung neh tơryang lòt sươn lòt mìr, neh ờ huan lời sơrbì sươn rơhàng tai.

Đông lơh niam gơ dê! Sùm hòi jà ală hìu bơnhă jat yàng ờ ngan Hà Mòn wơl rê wơl lơh sa nàng gơ in ngai sơlơ bơtàu tơnguh, sùm lòt còp rwàng ală hìu bơnhă, geh ơlak den `ô bal, dilah ờ geh den kung boh bơr `o\ nhơl chờ hờp chờ hờ` bal mờ gơ\p.

Đại úy Bùi Ngọc Đông geh bèp là Cau khin cha jak chài phàu crong làng bol Bùi Ngọc Đủ (deh nam 1942 mờ chơ\t nam 2017), là cau neh tus bal tàm rlau 130 dơ\ tam lơh, lơh geh uă bơta jak pha tàm rài tam lơh mờ Mỹ mờ 17 dơ\ tam lơh dờng dềt, kơryan jơh Mpồl cau pơrlơ\ dră mờ dà lơgar Fulro tàm càr Gia Lai tàm ală nam sơnrờp tơngklàs dà lơgar.

Đòm jat bơhiàn hơ\, tàm rlau jơ\t nam lơh broă tàm Phòng Lơngăp lơngai Kòn cau (PA90), Kuang àng càr Gia Lai, đại úy Bùi Ngọc Đông neh lơh geh uă cồng nha jak ngan tàm broă lơh. Tàm hơ\, pơnrơ ngan là bal mờ mpồl trinh sát, lam lòt wàng ku\p geh cồng nha 19 nă cau lam bồ tàm mpồl Fulro nam 2013.

Tàm nhai 4 nam 2018, đại úy Bùi Ngọc Đông kung pơgồp bal mờ gơnoar atbồ tiah do mờ kuang àng kơnhoàl Mang Yang lam lòt wàng ku\p rlau jơ\t nă cau tàm mpồl Fulro sơmờm yàng ờ ngan Hà Mòn.

Bal mờ ală cồng nha jak ngan, uă nam sùm, Đại úy Bùi Ngọc Đông sùm lơh geh sră jờng rơ Cau jak tàm pơrlòng kơnă hơđơm. Nam 2015, bi geh dờp sră jờng rơ Cau jak tàm pơrlòng gùt mpồl Kuang àng làng bol. Mờ bi Đông kung geh mat sơl tàm sră cih mat 70 nă cau pơnrơ jak geh dờp Bằng khen bơh Bộ trưởng Bộ Kuang àng dê tàm dơ\ Pơrjum dờng cau pơnrơ jak gùt mpồl Kuang àng làng bol geh bơyai lơh tàm nhai 6 pa do.

Bulah bè hơ\, đại úy Bùi Ngọc Đông kung gam pơndềt să ngan mờ mìng dờp bi là dùl nă cau kòn bơh [òn lơgar dê lơm.

Oh mi tàm mpồl sa bal, ơm bal, sùm pah ngai, pah tu\ pah jiơ lòt lơh quèng, tìp mat, boh bơr kờ` gi\t jơnau kơlôi sơnơng, bơta kơ\p kờ` mờ nùs nhơm bơh tơl nă cau dê. Jat tàm bơta hơ\, den he lơh làng bol gi\t mờ pin dờn. A` kis gơrờm bal mờ jơh ală bơta. Tàm do, a` là cau kòn [òn lơgar dê.

Ồng Nguyễn Đình Hải, Bí thư Chi bộ xã H’ra, kơnhoàl Mang Yang, pà gi\t: Tiah jat yàng H’ra neh geh jàu wơl bơta lơngăp lơngai niam bơne\. Bal mờ hơ\, kah ngan bè đại úy Bùi Ngọc Đông, phòng PA90, Kuang àng càr Gia Lai bal mờ ală nùs nhơm pơndềt să ngan, song dơ pă jơh nùs jơh tồr tài lơngăp lơngai bơh làng bol mờ Dà lơgar dê neh gơ gơs là bơta kah ờ gơtùi hi\u ngan tàm nùs nhơm làng bol mờ gơnoar atbồ tiah do.

Tu\ mu\t tàm [òn, ală bi gơlơh bè dùl nă làng bol, sền ală sau dềt bè oh kòn, kòn sau tàm hìu bơnhă he dê, nhơl bal mờ ală sau. Đơs bal là khi kis gơrờm bal tam klac ngan mờ làng bol, rềp mềl, làng bol kờ` ngan. Nùs nhơm lơh broă bơh bi dê den niam ngan, tài làng bol drơng broă. Đảng mờ gơnoar atbồ sền cồng nha broă ală bi dê là dờng màng ngan tàm broă lơh tam dră mờ kơryan jơh yàng ờ ngan Hà Mòn tàm xã H’ra.

Cau mblàng Lơ Mu K’Yến