VOV4.K’ho- Drim òr 30/5, tàm kơnhoàl Krông Ana, càr Dak Lak, Tỉnh đoàn Dak Lak bơyai lơh dơ\ ai cau lòt lơh broă ơruh pơnu lơh broă dong kờl is kàl rlô bơkang nam 2018.

Nam do, Broă lơh ơruh pơnu lơh broă dong kờl is kàl rlô bơkang càr Dak Lak geh lơh tàm 15 kơnhoàl, thị xã mờ [òn dờng mờ rlau 10 rbô nă đoàn viên, ơruh pơnu tus bal.

Ai cau lòt lơh broă ơruh pơnu lơh broă dong kờl is kàl rlô bơkang nam 2018

Broă kuơmàng geh sồr lơh ai 3 nhai lơh broă dong kờl is kàl rlô bơkang in tàm càr, là: lơh pa 15 kơi sồ gùng bê tông, lơh niam wơl 10 kơi sồ rbòng dà; kham kòp mờ bơto pơlam sền gàr pràn kơldang să jan mờ pà sơnơm ờ sa priă ai 3 rbô nă làng bol in, pà 2 rbô kơldung mhàm, lơh 10 tiah nhơl chờ kơnòm dềt in…

Tàm dơ\ bơyai lơh ai cau lòt lơh broă, Mpồl bơyai lơh neh pà 15 nơm rơndeh coh ai ală kơnòm bơsram r[ah bơsram jak, jàu 3 nơm hìu kờ` gơboh kòn bơnus ai ală hìu bơnhă chính sách in, tam pa 1.500 tờm chi.

 Cau mblàng - Lơ Mu K’Yến