VOV4.K’ho - Mpồl kuang bàng Quốc hội càr Dak Lak pa bơyai lơh pơrjum ai jơnau đơs tàm rơndap lơh adat Quốc phòng tam gơl mờ adat An ninh mạng. Ua\ ngan cau kuang neh ring bal jơnhua tàm broa\ lơh geh mờ ngui adat  quốc phòng tam gơl, nàng lơh geh rài sền gàr ngap lơngai dà lơgar gùt làng bol pràn kơljap tơl làm, chồl guh  pràn trơ gùm bal bơh dà lơgar nàng sền gàr  kơljap ngap lơngap dà lơgar, lơh tờm ù tiah, trơ gùm dùl, tơl làm  ù tiah dà lơgar.

Geh ờ ua\ jơnau đơs geh sồr lơh niam wơl, sang ala\ tơnggu me gơ drờm bal mờ ala\ adat ndai, mơ kung tơnguh bè broa\ lơh  mblàng pơlam,  geh gùng  bơto bơtê sền gàr ngap lơngai dà lơgar tus mờ làng bol… Kuang bàng geh lơh niam, pơ ơnàng broa\ lơh atbồ geh cồng nha tàm broa\ lơh adat An ninh mạng.

                       Cau cih mờ yal tơnggit K’ Brọp