VOV4.K’ho- Càr Dăk Lăk tŭ do gam ai mẫu xét nghiệm tàm anih gròi sền kòp ai ală cau rê bơh ală càr tiah đah jum dà lơgar in.

Cau lơh sơnơm ai mẫu xét nghiệm

Jăt mờ hơ̆, ală cau măy rơndeh pơndiang phan, ală cau đì rơndeh ô tô is mờ rơndeh mô tô mŭt tàm ù tiah càr Dăk Lăk dê bơh ƀòn dờng Hồ Chí Minh mờ bàr pe càr tàm tiah đah jum dà lơgar, bè: Đồng Nai, Bình Dương, Bà Rịa- Vũng Tàu, Tiền Giang geh ai mẫu xét nghiệm test mhar kháng nguyên tàm anih gròi sền kòp tàm gùng rơndeh dờng 14, gơwèt ù tiah xã Hoà Phú, ƀòn dờng Buôn Ma Thuột. Tơngai ai mẫu xét nghiệm là bơh ngai 18 tus ngai 30/6 do. Ồng Trịnh Quang Trí- Kuang ătbồ Anih tờm gròi sền kòp tê jê să càr Dăk Lăk dê pà gĭt, broă ai mẫu xét nghiệm test mhar tơn tàm anih gròi sền kòp geh dong càr Dăk Lăk rơcăng lài rlau tàm broă lơh rơcăng sơndră kòp Covid-19.

Cau mblàng Lơ Mu K’Yến