VOV4.K’ho- Drim ngai 21/12, tàm xã tiah nhàr lơgar Ia Lốp, kơnhoàl Ea Súp, càr Dăk Lăk, ala măt Mpồl ling sền gàr tiah nhàr lơgar càr dê pơgồp bal mờ gơnoar ătbồ xã, ală cau lơh broă nùs nhơm niam bơyai lơh ai ngui hìu sơnơm ling klàng làng bol lơh bal; dong kờl broă lơh broă sa mờ jàu pà phan, kham sơm kòp, pà sơnơm ờ sa priă ai làng bol tiah nhàr lơgar in. Do là ală broă lơh tơngkah kir sơnrai 77 nam ngai crơng gơs Mpồl ling klàng làng bol Việt Nam mờ ngai chờ sền gàr dà lơgar jơh gùt làng bol 22/12.

Kham kòp ai làng bol tiah nhàr lơgar in

Jăt Thượng tá ồng Phạm Minh Tuyên, Phó Kwang ătbồ Ƀan câp hàñ Mpồl ling sền gàr tiah nhàr lơgar càr Dăk Lăk, tŭ do mpồl ătbồ sền gàr tiah nhàr lơgar jòng rlau 73 kơi sồ, mờ 4 xã gơwèt 2 kơnhoàl Ea Súp mờ Buôn Đôn, mờr 42% khà kờp làng bol là làng bol jơi bơtiàn kòn cau dùl êt nă cau. Tàm kơnòl broă dong làng bol, bơ̆t bơtàu nùs nhơm rơcăng gàr lài sền gàr dà lơgar kơ̆ kơl jăp tàm làng bol, Mpồl ling sền gàr tiah nhàr lơgar càr Dăk Lăk neh bơyai lơh uă broă lơh sền gàr ờdo ờdă rài kis mpồl bơtiàn, dong kờl bơtàu tơnguh lơh sa mờ sền gàr pràn kơldang să jan.

Cau mblàng Lơ Mu K’Yến