VOV4.K’ho - Tam lơh neh rơlao bơh jo\, mơya hoàc huơr bơh sơnơm khih tàm rài tam lơh gam lơh kal ke tus mờ rài kis bơh uă rơnàng cau lơgar Việt Nam. Bu\ lah bè hơ\, pah ngai ală cau gơtìp sơnơm khih tàm rài tam lơh kung gam lơh ngan sơlèt mờ kal ke tàm rài kis, gơs là cau lam lài ai uă cau gơbàn in đòm jăt bal.

Tơnơ\ mờ ngai dà lơgar geh tơnklàs, cau ling yau Nguyễn Văn Thiệu, kis tàm [òn 8, xã Ea Đar, kơnhoàl Ea Kar, càr Dak Lak gơbàn tàm să sơnơm khih dioxin. Să tòm ồng sùm gơbàn kòp tê jê să, 2 tàm 5 nă kòn den gơbàn koe\t kơl te, tàm hơ\ 1 nă gơbàn chơ\t tu\ pa deh, 1 nă kòn ndai gơbàn bơta dờng bồ, jơngo măt, t^ tồr mờ gơrồt jơh gùt să jan.

                   Uă cau ling yau tàm càr Dak Lak sơlèt mờ kòp tê jê să kờ` tơnguh bơtàu rài kis hìu nhă

Mu\t lơh broă bơh 2 mpàng tê soh, mờ să bồ gơbàn kòp tê jê să tai, nùs nhơm kung ờ chờ tu\ gơbàn sơnơm khih tàm rài tam lơh, lơh aniai, mơya ồng kung gam lơh ngan sơlèt mờ kal ke, lơh ngan tàm broă lơh sa kờ` ài kis geh tơl niam mờ ròng ală kòn tus dờng pràn. Kơnờm mờ ală broă lơh ngan do, 3 nă kòn ồng dê neh bơsram tus gùng tus dà, tu\ d gam lơh broă tàm ală anih lơh broă dà lơgar càr Dak Lak dê.

Ồng Thiệu bal mờ cau kòn gơbàn sơnơm khih lơh aniai geh dờp broă dong kờl bơh dà lơgar. Tu\ do, hìu nhă ồng gam kis tàm 1 nơm hìu geh lơh mờr 300 tơlăk priă mờ geh 2 sào 3 cuờng ù tam kơphe bal mờ tòm chi sa plai. Kơlôi wơl tàm tơngai kal ke, ồng Nguyễn Văn Thiệu đơs là, di gơlan nùs nhơm kơ\ dơn cau ling wa Hồ dê neh dong kờl ồng sơlèt mờ kal ke tàm rài kis:

-A` neh lơh ngan sơlèt tàm [ồm, gar phào, hơ\ là kal ke bè nùs nhơm. Bơh nùs nhơm kơlôi sơnơng hơ\ den a` pal sơlèt mờ rơ[ah, ờ geh bơta lơi ndrờm mờ broă ùr bơklao geh dờp bal bơta glar bòl do, tơmù kal ke kờ` tus bè tu\ do. Jăt mờ lài do den neh sơlèt mờ kal ke tus 80% bloh.

Ồng Nguyễn Lưu Đoàn, kis tàm [òn 3, xã Ea Đar, kơnhoàl Ea Kar kung là 1 nă cau ling yau gơbàn sơnơm khih tàm rài tam lơh, lơh aniai sơl. Kòn dơ\ 2 tu\ pa deh neh gơbàn dờng bồ, jơng tê gơbàn gơrồt dềt, rơlao 20 nam do gơbàn ơm 1 bă ờ gơtùi sền gàr is să jan.

                                         Ồng Nguyễn Văn Thiệu tàm suơn kơphe hìu nhă tòm

Ờ ngòt mờ kal ke tàm rài kis, ùr bơklao ồng neh lơh ngan bơ\t bơtàu broă lơh sa mờ broă tam tòm điều, kơphe tàm bă suơn dềt. Kơnờm mờ nùs nhơm tơryang tơryồng tàm broă lơh sa, bơsram bal mờ ală cau ndai tàm broă lơh den tàng broă tam phan ồng dê geh cồng nha uă rơlao jăt mờ ală broă lơh ndai tàm do dê.

Bè hơ\ sùm ồng prăp mờ rề ơnàng broă lơh sa, tam bơrlu\ phan tam. Tu\ do, hìu nhă ồng Nguyễn Lưu Đoàn geh 5 sào tơnao dà ròng ka mờ 2 lồ suơn tam tiêu, kơphe bơrlu\ bal mờ tòm plai gơ-àl bal mờ tòm điều, pah nam geh 500 tơlăk priă:

-Tu\ tus tàm do rồ ù, ală kòn gam dềt ngan, a` den lơh ngan tàm broă lơh, sơlèt mờ kal ke kờ` lơh sa tơnguh bơtàu hìu nhă dê. Tus tu\ do den hìu đam, suơn rơbòng, tơnao dà ròng ka ndrờm neh geh. Rài kis hìu nhă a` tu\ do neh tơl ngui tơl sa ngan.

Tu\ do, gùt càr Dak Lak geh mờr 6 rơbô nă cau gơbàn sơnơm khih tàm rài tam lơh lơh aniai. Ală nam do, bal mờ gùng dà broă lơh bơh Đảng, Dà lơgar, broă sền gròi, dong kờl bơh ală cấp, gah lơh broă, [òn lơgar, anih lơh sa kă bro bal mờ cau geh nùs nhơm niam neh 1 bơnah lơi dong kờl hìu nhă ală cau gơbàn sơnơm khih geh niam nùs nhơm, tơmù kal ke.

                           Ùr bơklao ồng Nguyễn Lưu Đoàn bal mờ kòn gơbàn kòp gơrồ să jan

Uă cau gơbàn sơnơm khih lơh aniai gam ngai pah ngai sơlèt mờ kòp tê jê să kờ` tơguh bơtàu tàm rài kis. Ală cau do là ală cau lam lài, ờ ngòt glar bòl kòl jan kal ke lòt tus uă tiah kờ` lam sồr tă geh kes priă dong kờl cau gơtìp sơnơm khih in; mờ gam là cau pơlam tai uă bơta pràn ai ală cau geh rài kis ndrờm bal sơlèt tàm rài kis. Ồng Ngô Song Hoà, Chủ tịch Mpồl cau gơtìp sơnơm khih tàm rài tam lơh, lơh aniai càr Dak Lak pà g^t:

-Tus tu\ do, tàm càr do geh uă cau ling yau tơnguh niam ngan nùs nhơm cau ling wa Hồ dê tàm broă lơh sa, tơnguh bơtàu rài kis tàm hìu nhă kung bè tàm rài kis mpồl bơtiàn. Ală cau lam lài do mùl màl là ală jơnau bơsram kuơ màng kờ` lam sồr, bơto bơtê ală cau gơbàn sơnơm khih pin jăt tai bơsram bơh ală cau do. Tus tu\ do neh geh uă cau đòm jăt bal mờ rài kis geh uă bơta niam.

Tam lơh neh jo\ rơlao, ală bơta kòp tê jê să den kung gam sùm tus mờ uă rơnàng. Bu\ lah bè hơ\, mờ nùs nhơm kơ\ dơn cau ling wa Hồ dê, khin cha tàm rài tam lơh, pràn kơl dang tàm rài lơngăp lơngai, ală cau ling yau bè ală ồng Nguyễn Lưu Đoàn, Nguyễn Văn Thiệu là ală cau lam lài kờ` ală cau sền bơsram mờ đòm jăt bal.

Cau mblàng Ndong Brawl