VOV4.K’ho-Tơnơ\ dùl nam ai lơh broă, tus tu\ do, ală anih drơng broă sră pơ àr dà lơgar pờ tơlik tơn tàm internet tàm tơrgùm bal dùl mpồng điện tử tàm tơrbo\ bal bơh càr Dak Lak dê neh dờp geh ală jơnau đơs wơl niam ngan bơh làng bol dê. Kuơmàng, khà sră nggal dà lơgar geh lơh bơsong tàm khà 3, khà 4 ngai sơlơ uă neh lơh geh bơta [ươn ai mpồl cau mờ làng bol in tàm tu\ lơh ală sră pơ àr dà lơgar.

Bơh hơ\ lơh gơlik geh dùl gùng dà lơh broă jak chài pa tu\ do, song dơ pă loh làng đah anih lơh broă dà lơgar mờ ală mpồl cau, cau dùl nă să is, pơgồp bơnah tơnguh uă cồng nha lơh tam gơl sră nggal tàm tiah do.

Ala tài pal lòt tus hờ Ủy ban Nhân dân xã nàng lơh ală sră pơ àr bè lài, tu\ do, mìng mờ bơh dùl nơm măy tính tàm tơrbo\ mờ gùng internet, bi Nguyễn Văn Đức ơm tàm xã Ea Drơng, kơnhoàl Cư\ Mgar, càr Dak Lak kung gam lơh gơtùi sơl sră cih mat nam deh ai kòn in bơh anih drơng broă dà lơgar lơh tơn tàm internet.

Tu\ geh cồng nha, bi Đức geh dờp geh jơnau yal bơh tàm điện thoại mờ bi mìng roh dùl tu\ jiơ dùl dơ\ nàng lòt tus hờ Ủy ban Nhân dân xã nàng dờp sră nggal. Jat bi Đức yal, broă lơh ală sră nggal bơh ală anih lơh broă drơng broă dà lơgar, ngan là tàm khà 3, [ươn ngan lơh mờ ờ go\ kal ke dùl êt lơi.

Lài do, a` lòt lơh sră nggal den tàm njềt ngan, gal ngan cau, ală sră nggal pal pho to công chứng bè do bè ne kal ke ngan. Ai tu\ do, a` mìng ơm tàm hìu pờ tàm anih drơng broă dà lơgar jàu sră nggal bơh gùng internet.

Bè pa do, a` lơh sră cih mat nam deh kòn in den lơh [ươn ngan ờ go\ kal ke dùl êt lơi. Mìng kờ` pal cih yal ală jơnau tơnơ\ hơ\ pơyua bơh tàm gùng internet ală sră cih mat nam deh, sră cih mat tam bau den he mìng pal chùp rùp prăp gàr wơl tàm hơ\, tơnơ\ hơ\ pơyua lơh sră nggal kung sơrbac mhar sơl, tàm pơgăp 1 ngai là neh lơh gơtùi tơn.

Tàm Văn phòng dùl mpồng, [òn dờng Buôn Ma Thuột, ngui drơng broă lơh sră pơ àr dà lơgar lơh tơn tàm internet geh ai tơmu\t lơh broă bơh nam 2015. Bơh sơnrờp mìng ai lơh tàm khà 1, khà 2 lơm.

Mơya, bơh nam 2017 pa do, neh geh tơnguh tus khà 3, khà 4. Jơh ală broă lơh bơsong sră nggal dà lơgar bơh mpồl cau, làng bol dê neh geh tam gơl jat tàm bơta ngui măy mok yal tơngi\t jơnau mờ ală phần mềm dong kờl neh dong làng bol [ươn rlau tàm broă pờ sền jơnau yal, bal mờ drơng broă pơrgon tu\ jiơ lài mờ tu\ lơh broă mờ bơto pơlam ală sră nggal pal geh ai làng bol in lài mờ tu\ tus lơh broă tàm văn phòng dùl mpồng neh tơrmù [à tu\ jiơ lòt rê gơcèng wơl cồng nha. Ngan là tu\ lơh sră ngui ù, tư pháp-hộ tịch, lơh sră ai bơ\t bơtàu phan bơna, sră ai gơnoar lơh sa kă bro.

Là kuang bàng să tờm tơn dờp mờ bơsong sră nggal tàm mpồl lơh broă lơh sră ai gơnoar lơh sa kă bro, bi Võ Quang Nam, cau dờp mờ hơ cồng nha tàm văn phòng dùl mpồng [òn dờng Buôn Ma Thuột, càr Dak Lak dê pà gi\t, pah ngai, anih lơh broă bi dê dờp rlau 1rbô sră nggal ală bơta. Bơh ală phần mềm dong kờl neh dong kuang bàng bơsong broă [ươn rlau, tơrmù uă ngan tu\ jiơ lơh bơsong sră nggal bal mờ hơ\ là bơta niam nùs bơh làng bol dê kung ngai sơlơ gơguh tai.

Geh ai lơh bơh nam 2017, gơ wèt mờ kuang bàng dờp sră nggal bơsong sră nggal ai làng bol in sơrbac mhar rlau, sră nggal [ươn mờ dùl êt rlau, pơrgon nđờ ngai lơh là di ngai hơ\, làng bol ờ huan pal lòt rê uă. Lài do, pal roh tus nđờ ngai mơya tu\ do lơh sră nggal ai gơnoar lơh sa kă bro mìng roh pe ngai lơm là neh geh ai làng bol in. Làng bol ờ huan pal lòt wih lòt wơl uă dơ\.

Lơh tam gơl pa sră nggal dà lơgar

Jat ồng Hoàng Mạnh Hùng, Phó Kuang atbồ Sở Nội vụ càr Dak Lak yal, tu\ do càr neh ai lơh broă ală anih lơh broă drơng broă dà lơgar lơh tơn tàm internet tàm tơrgùm bal dùl mpồng điện tử tàm tơrbo\ bal tàm 34 anih lơh broă, tàm hơ\ geh 19 sở gah sơnah lơh broă mờ 15 ủy ban nhân dân kơnhoàl, thị xã, [òn dờng.

Tus tu\ do, ală anih lơh broă do neh crơng gơs 964 sră nggal dà lơgar geh lơh khà lơh tơn tàm internet khà 2, mờ rlau 600 sră nggal dà lơgar geh lơh dờp mờ bơsong tơn tàm internet khà 3, mờ rlau 100 sră nggal geh lơh tàm khà 4.

 Jơnau kờ` mờ ală anih lơh broă, sở gah sơnah lơh broă càr Dak Lak dê kờ` lơh hơ\ là lơh geh bơta niam nùs ai mpồl cau mờ làng bol in pơgồp bơnah tơnguh uă pràn jak tàm pơrlòng kung bè gơhòi gơ jà ală cau bơcri priă tus mờ càr.

Ủy ban Nhân dân càr geh uă jơnau sồr, đơng lam bè lơh tam gơl pa sră nggal. Kuơnàng tàm 3 nam rềp ndo, Ủy ban Nhân dân càr neh geh ală jơnau đơng lam krà` cê jơh nùs ngan sền go\ geh cồng nha.

Dơ\ dùl, lơh kơ\ kơl jăp mpồl kuang bàng đơng lam lơh niam wơl sră nggal krơi mờ lài do, sồr kuang atbồ ală anih lơh broă gah sơnah lơh broă pal là kuang bàng tàm mpồl đơng lam nàng atbồ tơn tus lơh niam wơl sră nggal mờ kuơmàng sền dờng màng mblàng ală tơngume digơlan ờ gơtùi lơh gơs mờ yal loh ală anih lơh broă lơi kong kơnòl bè tơngume do.

Bơdìh hơ\ tai, gơ wèt mờ anih lơh broă dong broă sở nội vụ neh dong ai Ủy ban Nhân dân càr in tam gơl, ala ală mpồl lơh niam wơl sră nggal bơh ală sở gah sơnah lơh broă dê jat gùng dà lơh jat geh kuơ ngan ngồn mờ lơh jat jơnau sồr ngan ngồn bơh tiah he dê.

Mờ ală broă lơh krà` cê jơh nùs, broă lơh lơh niam wơl sră nggal bơh càr Dak Lak dê neh lơh geh ală cồng nha pal cih dờp ngan. Jat jơnau yal bơh Bộ Nội vụ dê, khà kờp lơh niam wơl sră nggal nam 2017 bơh càr dê lơh geh rlau 75% (gơguh 1,95 điểm pơndrờm bal dùl tu\ mờ nam 2016), săp sèng ơm dơ\ 43 tàm 63 càr mờ [òn dờng tàm gùt lơgar mờ lam bồ 5 càr Tây Nguyên.

Tơngai tus, Dak Lak pơn jat tai pơgồp bal dơ\ tam gơl bơh bơta yau gơs bơta pa măy mok bal mờ broă lơh lơh niam wơl sră nggal bơh hơ\, lơh geh tơl ală bơta [ươn nàng làng bol, mpồl cau, mpồl lơh sa kă bro tus lơh broă, lơh bơsong mhar jơh ală sră nggal. Wèt tus dùl tiah lơh sră nggal jak chài pa tu\ do, mờng chài rlau ai bơta niam nùs bơh làng bol mờ mpồl lơh sa kă bro dê là gai was ai bơta bơtàu tơnguh kơ\ kơl jăp in.

Cau mblàng Lơ Mu K’Yến