VOV4.K’ho - Nàng di pal mờ broă kờñ blơi phan bơh làng bol dê di tàm lồi nam 2021 mờ satềp Ñâm dần 2022, tŭ do neh geh 10 mpồl lơh sa kă bro dờng tàm càr Dăk Lăk hơ geh prăp phan kă bro geh kuơ mờ kờp jơh khà rơlao 270 tơmàn đong.

Ală bơta phan ring niam mìng geh: phe, poăc sur, poăc piă, ơda, tăp iar, ơda, tàm tơngi, ƀòk ngòt mờ ală phan sa geh lơh lài, biăp, kơnuh, plai chi, xăng, jờu, ƀañ, kèo.... Tơngai lơh jăt broă ring niam geh lơh rơlao 2 nhai, bơh ngai 15 nhai 12 nam 2021 tus ngai 28 nhai 2 nam 2022. Tàm bơta kòp Kovid-19 gơtìp kal ke mờ jŏ, Sở Kông Thương càr Dăk Lăk sồr ală mpồl lơh sa kă bro, hợp ták xã, hìu kă bro geh prăp gàr phan kă bro, mờ gàr niam broă rơcang sơndră mờ kòp gơtờp tàm broă lơh sa kă bro di jăt mờ kơrnoăt geh ai. Tŭ do, phan kă bro di pal niam mờ broă kờñ ngui sa bơh làng bol dê mờ kờp dŭ geh tơl tàm satềp. Sở Kông Thương kung neh yal mờ UBND càr Dăk Lăk sền wơl, kĭ rơndăp broă lơh jăt broă ring niam khà priă tàm drà kă bro ală bơta phan geh kuơ di tàm lòt nam 2021 mờ satềp nam Ñâm dần 2022.

Cau mblàng Ndong Brawl