VOV4.K’ho-Tàm Dak Lak, broă blơi Bảo hiểm Y tế ờ mìng dong làng bol geh dờp [ươn [oài rlau mờ ală broă kham sơm kòp bơh hìu sơnơm kơnă hơđơm yơn, geh sền gàr pràn kơldang să jan niam rlau, mờ gam dong khi sơrlèt gan geh ală kal ke bè priă jền tu\ lòt kham, sơm kòp. Bal mờ ală bơta kuơ loh làng ngan tu\ blơi Bảo hiểm Y tế, khà cau blơi Bảo hiểm Y tế tàm ală tiah tàm càr Dak Lak pah nam sơlơ gơguh tai.

Go\ să jan gơlơh ờ pràn tai uă ngan, ndul jê ngan ồng Nguyễn Văn Mai ơm tàm thôn Tân Trung B, xã Ea Toh, kơnhòal Krông Năng, càr Dak Lak geh ùr kòn jun tus hìu sơnơm càr nàng kham kòp. Tàm do, ồng Mai geh kham kòp mờ gi\t là gơtìp kòp ung thư klung.

Mu\t tàm Hìu sơnơm Ung buớu [òn dờng Hồ Chí Minh sơm kòp, ồng Mai mờ hìu bơnhă kơlôi rơcang ngan tài bơh priă tă sơm kòp uă ngan tàm tu\ hìu bơnhă den gam kal ke r[ah lơ ời ngan. Kung bơtuah đau là hìu bơnhă blơi Bảo hiểm Y tế den tàng geh ờ tă priă mờ tơrmù [à priă tă kham sơm kòp.

Geh dong kờl bảo hiểm hìu r[ah geh dong kờl jơh 100% tơn, lòt kham, siêu âm, chùp phim a` kung ờ go\ roh dùl đong dùl kak priă lơi, geh tu\ là hìu sơnơm pà priă đìh rơndeh rê tai. Ờ geh bảo hiểm den hìu bơnhă là glar bòl ngan.

Ồng Đậu Văn Qúy, Kuang atbồ thôn Tân Trung B, xã Ea Toh, kơnhoàl Krông Năng pà gi\t, geh Đảng mờ Dà lơgar dong kờl pà bảo hiểm y tế neh dong làng bol in uă ngan tàm tu\ kham sơm kòp, sền gàr pràn kơldang să jan.

Bảo hiểm hìu r[ah, hìu mờr bè hìu r[ah Đảng mờ Dà lơgar dong kờl ngan. Ală hìu r[ah tàm thôn geh thôn sac rwah jat jơnau sồr là ală hìu r[ah pal r[ah ngan den bol a` sền swì sac rwah. Mìng is bè Bảo hiểm Y tế geh bơta dong kờl bơh hìu sơnơm, ală kấp dê ờ huan kơn jơ\ rlau dùl bơnah bơta à` ơnòng kơn jơ\ ai ală hìu bơnhă in.

Ồng Trần Minh Châu, Phó Chủ tịch UBND kơnhoàl Krông Năng pà gi\t, bơh tu\ blơi bảo hiểm y tế, làng bol ờ gam tai sơm is kòp mờ ală bơta sơnơm ờs mờng bơh yau halà jàu cau bơjơu duh khuai bè lài tai.

Uă hìu bơnhă, kuơmàng là làng bol kòn cau neh tus hờ hìu sơnơm xã, hìu sơnơm kơnhoàl, càr nàng kham sơm kòp pa tu\ gơtìp kòp tê jê să tài bơh jơh ală priă tă kham sơm kòp ndrờm geh Dà lơgar dê tă tơm den tàng khi iang nùs rlau. Kơnờm bè hơ\ mờ khà cau blơi bảo hiểm y tế tàm jơh gùt kơnhoàl neh geh rlau 85%.

Gơ wèt mờ kơnhoàl Krông Năng, làng bol blơi Bảo hiểm Y tế rlau 85%. Lơh geh broă do, Đảng ủy mờ gơnoar atbồ neh mblàng yal hòi jà nàng làng bol in gi\t loh tu\ làng bol blơi bảo hiểm y tế den gơnoar kuơ gơcèng wơl geh ală bơta lơi.

Jat tơrgùm kờp bơh Bảo hiểm Xã hội càr Dak Lak dê tus tu\ do, jơh gùt càr Dak Lak neh geh mờr 1 tơlak 500 rbô nă cau geh pà sră bảo hiểm y tế. Bơh bồ nam tus tu\ do, geh mờr 2 tơlak 500 rbô dơ\ cau lòt kham sơm kòp mờ sră bảo hiểm y tế. Gah Bảo hiểm Xã hội càr neh tă tơm priă kham sơm kòp mờ bảo hiểm y tế rlau 943 tơmàn.

Mò Nguyễn Thị Xuân, Phó Kuang atbồ Bảo hiểm Xã hội càr Dak Lak pà gi\t, càr gam lơh uă broă dùl ròl bal nàng gờ` lơh geh jơnau kờ` bè lơh jat bảo hiểm y tế gùt làng bol.

Anih lơh broă Bảo hiểm Xã hội pơn jat tai pơgồp bal mờ ală kấp, ală gah mờ ală cau kra [òn, cau atbồ [òn nàng khi mblàng yal dùl bă jrô ơnàng làm uă rlau gùng dà broă lơh Bảo hiểm Y tế. Mờ pơgồp bal lơh niam rlau broă lơh kham sơm kòp ai làng bol in, kuơmàng pơgồp bal mờ gah lơh sơnơm nàng làng bol in tu\ tus kham sơm kòp cau sền go\ geh bơta kuơ mờ go\ geh bơta dong kờl bơh Bảo hiểm Y tế dê.

Tàm Dak Lak broă lơh niam gùng dà broă lơh Bảo hiểm Y tế neh dong làng bol geh anih kơldìng, sơrlèt gan kal ke tu\ ờ bơtuah gơtìp kòp tê jê să, pơgồp bơnah tàm broă tơrmù r[ah, kơryan gơbàn r[ah wơl bơh càr dê.

Cau mblàng Lơ Mu K’Yến