VOV4.K’ho - Nam ală nam lài, broă càn priă sa priă cồng uă neh geh bơh [òn lơgar tus [òn drà tàm càr Dak Lak, lơh uă hìu nhă gơtìp aniai tài roh hìu, roh ù tiah lơh sa. Kơnờm mờ broă tus bal bơh ală gah, mpồl lơh broă chính trị, bal mờ broă đơng lam nền nòn tàm broă lơh ală broă dong kờl, tàm hơ\ kuơ màng ngan là broă lơh ndrờm bal tàm broă bơcri priă càn di tu\ tus mờ làng bol bơh ală ngân hàng, den tàng broă càn priă sa priă cồng uă neh rơgơi geh kơrian.

Mò H’ Nớt Byă, kòn cau Rơđê kis tàm [òn Ko Dung, là cau gơtìp uă ngan bơh broă càn priă sa priă cồng uă tàm xã Ea ~uôl, kơnhoàl Buôn Đôn, càr Dak Lak dê.

Mò H’ Nớt Byă yal: Nam 2015 ùr bơklao mò càn bơh ngân hàng 200 tơlăk đong kờ` bơcri tàm broă lơh wàng ròng 20 nơm sur, blơi 500 `jrong nàng tam tiêu. Sur gơtìp chơ\t tài kòp, suơn tiêu kung gơtìp chơ\t sơl.

Nam 2017 neh rơlao ir tơngai tơm dồs ngân hàng den tàng mò neh càn priă hờ bơdìh 250 tơlăk đong kờ` tơm priă càn bal mờ priă cồng bơh ngân hàng. Bè hơ\ sùm, mò H’ Nớt càn bơh cau do dê mờ tơm cau ndai in mờ priă cồng tus 15% tàm 1 nhai. Nhai 9 nam 2019, khà priă dồs jơh priă tòm mờ priă cồng tus 3 tơmàn đong. Ùr bơklao mò H’ Nớt pal jào 2 suơn kơphe, tiêu mờ bă ù ơnàng 1 lồ nggùl kờ` tơm dồs.

-Gơtìp dồs den pal yal mờ kuang bàng càr, kuang àng kơnhoàl in g^t. Ờ tơm jơh dồs den gơtìp dồs dờng ngan. Tu\ do kờp jơh priă cồng mờ priă tòm rơlao 3 tơmàn đong. Ờ jai tơm den tàng pal dờp mờ broă ai 2 bă ù nàng tơm dồs.

Xã Ea ~uôl geh 17 [òn, mờ rơlao 3 rơbô hìu, tàm hơ\ geh rơlao nggùl là làng bol kòn cau. Tàm ală nam 2018, 2019 broă càn priă sa priă cồng uă geh gơs mờ lơh aniai tàm tiah do. Càn priă sa priă cồng uă geh gơs tài tu\ cau lơi kờ` priă, cau hơ\ geh priă mơ, mờ ờ pal lơh sră nggal ha là ai phan lơi kờ` lơh pơgăp, mìng geh 1 pang sră cih mờ tê, cih khà priă càn.

Uă hìu tàm xã do kờ` geh mhar 20, 30 tơlăk đong den càn mờ cau ai càn priă sa priă cồng uă, mờ mìng tàm 1 nam khà priă pal tơm uă rơlao bàr dơ\ mờ priă càn. Cau càn priă tu\ gơtìp bè hơ\ den pal tăc ù, tăc jơh rơpu, kơnrồ, suơn mìr kờ` tơm dồs. Mìng ală cau ờ gam geh phan lơi kờ` tăc, hơ\ sồng tus yal mờ gơnoar atbồ [òn lơgar in g^t.

Ờ mìng tàm kơnhoàl Buôn Đôn, broă càn priă sa priă cồng uă kung gơbàn tàm uă tiah ndai. Kờ` kơrian broă do, ală cấp, gơnoar atbồ tàm càr Dak Lak neh đơng lam ală gah lơh broă geh gơnoar kơrian uă mpồl cau ai càn priă sa priă cồng uă do, mờ chồl pràn broă lam sồr làng bol in. Ồng Lê Thanh Long, Chủ tịch UBND kơnhoàl Ea H’ Leo pà g^t:

-Tàm kơnhoàl Ea H’ Leo gơbàn geh broă ai càn priă sa priă cồng uă. Bol a` neh đơng lam ală oh mi kuang àng bơ\t bơtàu ală broă lơh kờ` kơrian ală mpồl, ală cau ai càn priă sa priă cồng uă do.

Bơh broă sền gròi den ală mpồl, ală cau ai càn priă sa priă cồng uă do là ală cau bơh tiah ndai tus ơpah hìu ơm, ơpah ală hìu kă bro kờ` lơh gời, pồn tàm hơ\ lơh broă càn priă sa priă cồng uă. Geh ờ uă làng bol neh gơtìp pơrlồm, gơtìp pơnjồh tàm broă ai càn priă sa priă cồng uă do.

Kung geh ală cau lam bồ ai càn priă do tus lùp dồs hơ\ sồng lơh gơtìp kal ke bè bơta lơngăp lơngai tàm [òn lơgar. Bol a` neh đơng lam nền nòn ngan gah nội chính, tàm hơ\ geh gơnoar bơh kuang àng, bơh viện kiểm sát, bơh anih cah rơ`a, ală mpồl lùp sền tư pháp, dong kờl huyện uỷ, uỷ ban geh ală broă đơng lam nền nòn mờ sùm tus lùp sền, sền gròi.

Tơngai do, broă ai càn priă sa priă cồng uă geh lơh broă là bơh broă kờ` priă làng bol dê, broă càn priă kal ke tài broă lơh sră nggal, uă cau tài jơnau g^t wă gam ờ uă, den tàng [uơn ngan gơtìp pơrlồm bơh ală sră nggal geh lơh [uơn do, den tàng lơh gơbàn tus mờ broă ai càn priă sa priă cồng uă.

Jăt ồng Lê Văn Quyết, Chủ tịch UBND xã Ea ~uôl, kơnhoàl Buôn Đôn yal, kờ` di tơngai kơrian mờ ờ ai geh broă càn priă sa priă cồng uă “lơh aniai” ală [òn, gơnoar atbồ ală cấp neh đơng lam nền nòn ngan tàm broă tam dră mờ ală mpồl, ală cau sơgràm broă kă bro lơh broă càn priă sa priă cồng uă, mờ pơgồp bal mờ ală mpồl lơh broă bal mờ ngân hàng bơsong bè sră nggal kờ` làng bol [uơn tàm broă càn priă, dong kờl làng bol lơh broă sa geh priă nàng lơh sa kă bro geh sền là broă lơh geh cồng nha.

-Mpồl kuang àng pơgồp bal nền nòn mờ đah mặt trận dà lơgar bal mờ ală mpồl lơh broă tus lam sồr tàm anih pờ tơl^k jơnau đơs mờ lam sồr tơn, mờ ai ală cau neh gơtìp càn priă sa priă cồng uă đơs tềng đăp mờ làng bol, kờ` làng bol in g^t ală broă lơh bè càn priă sa priă cồng uă do.

Xã kung neh pơgồp bal nền nòn mờ ngân hàng chính sách, neh bơyai lơh ai càn priă gơwèt mờ ală hìu rơ[ah, ndrờm mờ rơ[ah, ală hìu klàs mờ rơ[ah. Tus tu\ do, jơh ală gah broă do neh lơh jăt den khà priă jơnkah dồs tàm xã gơwèt mờ ngân hàng chính sách là rơlao 50 tơmàn đong.

Cấp uỷ, gơnoar atbồ xã, kơnhoàl sùm lam bồr làng bol tu\ càn priă, lơh sră nggal là ba` ai cau lam sồr lơi, mờ tus is tơn mờ kuang bàng công chức xã dê geh bơto sồr, hơ\ sồng pơgồp bal mờ kuang bàng càn priă ngân hàng bơto sồr làng bol lơh sră nggal càn priă mhar, niam ngan.

Bơh bơta mùl màl tàm ală [òn lơgar, ồng Nguyễn Tử Ân, Kuang atbồ Ngân hàng Chính sách Xã hội càr Dak Lak đơs là, broă bơcri priă mờ ală broă lơh mùl màl bè broă ai rơndeh ngân hàng lòt tus tàm tiah sar lơgar ngài, tiah làng bol kòn cau, pơgồp bal mờ gơnoar atbồ bal mờ ală mpồl lơh broă sền wơl niam tàm broă lơh sră nggal kờ` làng bol gơtùi geh càn priă di tu\ di cau là dùl tàm ală broă lơh geh cồng nha ngan.

Mìng is Ngân hàng Chính sách Xã hội càr Dak Lak tu\ do neh geh 183 anih lơh broă tus tơn tàm ală xã tiah sar lơgar ngài, mờ rơlao 190 rơbô hìu làng bol lơh broă sa geh càn priă nàng bơcri tàm broă lơh sa, lơh hìu ơm ha là ròng oh kòn lòt bơsram đại học.

-Lơh jăt jơnau đơng lam bơh kuang atbồ ngân hàng dà lơgar kung bè bơh gah broă do bè broă tơnguh broă ai càn priă tàm ală tiah in, tàm hơ\ kuơ màng ngan là tiah sar lơgar ngài den do là kơnòl bơh ngân hàng chính sách tàm broă tơmù broă càn priă sa priă cồng uă. Kơnờm mờ priă bơcri bơh ngân hàng, den tàng neh tơmù broă càn priă sa priă cồng uă do.

Gơtùi go\ ală broă lơh pràn bơh ală cấp, gơnoar atbồ, broă tus bal bơh ală mpồl lơh broă bal mờ ngân hàng tàm broă lơh kờ` di pal khà priă càn neh dong kờl làng bol geh priă nàng lơh sa kă bro tơnguh bơtàu lơh sa, tơmù broă càn priă sa priă cồng uă, pơgồp bal tàm broă lơh ring niam rài kis mờ lơh pas ai làng bol lơh broă sa tàm ù tiah [òn lơgar tòm dê.

Cau mblàng Ndong Brawl