VOV4.K’ho- Ƀòn dờng Buôn Ma Thuột geh pơn jat tai ai ơm yah ngài mpồl bơtiàn jat Chỉ thị sồ 16 bơh Thủ tướng Chính phủ dê tus 7 ngai tai, kờp bơh 0 jiơ mang ngai hìng 08/8. Do là jơnau sồr pa ngan rlau jơh bơh càr Dăk Lăk dê bè mut ngui broă lơh ai ơm yah ngài mpồl bơtiàn nàng rcang sơndră kòp Covid-19.

Tàm ƀòn dờng Buôn Ma Thuột kung gam bàr pe nă cau bơtờp kòp ờ hềt sền gĭt tiah bơtờp kòp

Jat UBND càr Dăk Lăk, jơh 14 ngai lam lơh jat Chỉ thị sồ 16 bơh Thủ tướng Chính phủ dê tàm ù tiah ƀòn dờng Buôn Ma Thuột mờ kơnhoàl Cư Kuiñ, sền bal bơta kòp Covid-19 neh geh ală bơta tam gơl niam. Gơwèt mờ kơnhoàl Cư Kuiñ, bulah khà cau bơtờp mờ virus Sars CoV-2 geh gơguh mơya uă ngan là tàm tiah ai ơm yah ngài tơrgùm bal mờ tiah wàng se kơryan kòp. Gơwèt mờ ƀòn dờng Buôn Ma Thuột, kung gam bàr pe nă cau bơtờp kòp ờ hềt sền gĭt bơtờp kòp bơh lơi, pal pơn jat tai jal mhar jòi gĭt tiah lòt rê mờ lơh xét nghiệm uă tiah. Den tàng, UBND càr Dăk Lăk lơh nền, ƀòn dờng Buôn Ma Thuột geh pơn jat tai ngui Chỉ thị sồ 16 bơh Thủ tướng Chính phủ dê tus 7 ngai tai kờp bơh 0 jiơ mang ngai hìng 08/8 nam 2021. Gơwèt mờ kơnhoàl Cư Kuiñ, kờp bơh 0 jiơ mang ngai hìng 08/8 geh ngui Chỉ thị sồ 15 bơh Thủ tướng Chính phủ dê.

Cau mblàng K’Hạnh