VOV4.K’ho- Rlau 2 nam mut ngui, gơl gùng pleh tiah đah mat tơngai mut [òn dờng Buôn Ma Thuột, càr Dak Lak ( tu\ do là gùng 10/3 mờ 30/4) sùm gơlik geh dơ\ rềs àr gùng lòt ngòt rơngơ\t ngan. Ban Ờ do ờ dă gùng lòt càr Dak Lak neh pơgồp bal mờ gah lơh broă geh gơnoar lam lơh dùl ròt bal uă broă lơh nàng bơsong jơnau geh ngan do.

Sơne\ 4 gùng pleh tiah đah mat tơngai mut [òn dờng Buôn Ma Thuột tàm tìp mờ gùng Phạm Ngũ Lão mut tàm tiah tờm [òn dờng Buôn Ma Thuột lài do là dùl tàm uă “tiah ngòt rơngơ\t” bè rềs àr gùng lòt.

     Dơ\ rềs àr gùng lòt kơn jơ\ ngan gơlik geh tàm gùng pleh tiah đah mat tơngai mut [òn dờng Buôn Ma Thuột.

Bi Bùi Văn Lương, hìu ơm tàm jat kềng gah gùng sơne\ 4 gùng pleh tiah đah mat tơngai mut mờ gùng Phạm Ngũ Lão, neh sền go\ uă dơ\ rềs àr gùng lòt tàm tiah do pà g^t.

Dơ\ rềs àr lơi oh kung sền go\ lơm, uă ngan là tài bơh cau ma\y rơndeh mù kơh mờ ờ gơtùi ku\p thăng. Pa ngan là lài mờ dơ\ sa tềp geh dùl dơ\ rềs àr gùng lòt tu\ rơndeh sơntèk ntoat tơm tàm rơndeh pơn diang kơphê lơh dùl nă cau chơ\t.

Rơndap broă lơh gùng pleh tiah đah mat tơngai mut [òn dờng Buôn Ma Thuột, càr Dak Lak, ai ngui tàm bồ nam 2017, mờ bơta jòng 14 kơi sồ. Jat jơnau yal bơh Ban Ờ do ờ dă gùng lòt càr Dak Lak, bơh tu\ mut ngui, tàm gơl gùng do neh gơlik geh 15 dơ\ rềs àr gùng lòt  kơn jơ\ ngan, lơh chơ\t 10 nă cau, sồt să 8 nă, g^t nđờ nơm rơndeh rơndồ gơtìp ờ diơng, hoàc huơr gơguh tus mờr 10 tơmàn priă.

Ồng Bùi Văn Ngọc, Chánh văn phòng Ban Ờ do ờ dă gùng lòt càr Dak Lak pà g^t, tềng đap jơnau pa đơs, mpồl neh pơgồp bal mờ gah lơh broă geh gơnoar lơh uă broă lơh bơsong ală tiah “ ngòt rơngơ\t” bè rềs àr gùng lòt tàm gơl gùng do.

Dùl nơm rơndeh sơntèk tơm tàm rơndeh pơdiang phan bơh suơn sre tàm gùng pleh tiah đah mat tơngai mut [òn dờng Buôn Ma Thuột.

 Ngan ngồn là neh crăp ală k[àng yal tơng^t, đèng yal tơng^t gùng lòt, lơh gờ tơrmù ntoat rat, sơng dà tam cah gùng, crăp krơh cầu lồi tàm ală gùng tam tìp ờ sền go\ loh. Kơnòm bè hơ\, ală “ tiah ngòt rơngơ\t” bè rềs àr gùng lòt sền bal là neh ờ hoan geh đau, broă rềs àr gùng lòt geh gơmù.

Ală phan yal tơng^t gùng lòt pơlam lòt rê tàm gơl gùng sền bal neh geh jơh lơh gơs. Ban Ờ do ờ dă gùng lòt  càr pơn jat tai mblàng yal, yal tơng^t tus mờ bơta g^t wă bơh làng bol dê tu\ lòt rê tam gùng. Ban Ờ do ờ dă  gùng lòt càr kung neh geh ală sră nggal sồr ală anih lơh broă geh gơnoar, mpồl Kảnh sát gùng lòt mờ gah lơh broă lùp sền gùng lòt sùm sơlơ tơnguh broă lòt sền, lùp sền nàng tơrmù rềs àr gùng lòt, kuơ màng là tàm gơl gùng pleh tiah đah mat tơngai mut.

Ban Ờ do ờ dă gùng lòt càr Dak Lak kung tơngkah, bơh nhai 2 nam do, ală bơta rơndeh pơn diang năc rlau 30 cơ ghế mờ rơndeh pơn diang rlau 10 tấn dilah lòt tàm bàr pe gơl gùng tàm dơlam [òn dờng Buôn Ma Thuột bơdìh mờ tu\ jiơ neh ai den geh gơtìp lơh glài. Den tàng bè hơ\, mpồl rơndeh rơndồ lòt tàm gơl gùng pleh tiah đah mat tơngai mut [òn dờng Buôn Ma Thuột gơguh uă. Bal mờ ală broă lơh kỹ thuật bơh ală gah lơh broă geh gơnoar dê, cau lòt rê tàm gơl gùng do kung pal tơnguh uă bơta sền ngăc, sền gròi nền, lơh jat niam adat gùng lòt, nàng kờ` tơrmù rềs àr pơlai soh ngan digơlan gơlik geh.

Cau mblàng K’ Hạnh