VOV4.K’ho-Dăk Lăk geh tơngai, geh càl ờ geh mat sơnđan neh gơlòt mu\t tàm jơnau đơs crih mờ geh uă ngan cau gi\t tàm sùm uă nam do. Hơ\ là bơta càl geh sùm, geh sùm gùt ngai, gùt nhai gùt nam, là trồ tơngai duh tơ àl bè ồs, lơh ro kơnra` jơh brê bơnơm, dà dờng dà croh…

Mơya bơh kàl prang nam 2019 do, tơngai càl Dăk Lăk sơnđờm bơh ală nhai kàl tơnhàu phan tam gơtùi kờp was mờ priă jền phan bơna, tu\ ală broă lơh đèng mat tơngai, đèng càl geh lơh. Phan lơh ồs đèng lơh geh wơl uă khà dùl khà bàr gùt lơgar, bơh sơnrờp geh lơh geh cồng nha mờ dong kờl bơtàu tơnguh lơh sa- mpồl bơtiàn.

Tàm bơta trồ tơngai tàm brê bơnơm duh tơ àl lơh ro kơnra` jơh nhơ\t chi che, ală broă lơh đèng mat tơngai Srepok 1- Quang Minh ơnàng 120 lồ, pràn lơh gơlik 100 MWp, tàm xã Ea Wer, kơnhoàl Buôn Đôn, càr Dăk Lăk neh ngan ngồn geh ai ngui mờ bơh sơnrờp lơh geh ală ngai nha lơh broă geh cồng nha uă ngan tơngai, càl.

Ồng Lê Quang Minh, Chủ tịch Hội đồng Quản trị, Kuang atbồ dờng Công ty Cổ phần Bơcri priă mờ Bơtàu tơnguh Đèng Đại Hải đơs ngan: Bulah rơ\p pa mu\t lơh broă ờ hềt jo\, mơya bơcri priă lơh đèng mat tơngai tàm kơnhoàl ù tiah r[ah bềng tơngai sa duh tơ àl bè ồs tàm Buôn Đôn là di gùng di dà ngan.

Bè tàm rơndăp broă lơh Srepok 1, rơ\p pa mu\t ai lơh broă bơh bồ nhai 2 pa do, neh tơmu\t bal tàm gùng che đèng dà lơgar geh 20 tơlak ki lo oát giơ đèng. Tu\ jơh bal Srepok 1 mờ Quang Minh pờ tơlik bal đèng, den geh ai đèng ai gùng che ồs đèng dà lơgar in pơgăp 150 tơlak ki lo oát giơ đèng pah nam, priă geh bơh kă bro đèng là pơgăp 300 tơmàn, tă dia 30 tơmàn dùl nam ai tiah do in. Bơta do, hơ\ là tơl lồ ù ro kơnra` tàm kơnhoàl tiah nhàr lơgar, geh cèng wơl priă jền bơh broă kă bro mờr 3 tơmàn.

Đèng mat tơngai Srepok 1 ai geh priă jền uă bơh 40 dơ\ pơndrờm mờ lơh sa sươn sre

Ồng Lê Quang Minh pà gi\t, bơta do neh hơ jơnau kờp du\ lơh sa ai kơnhoàl ù tiah ro kơnra` in mơya bềng bơta pràn nàng lơh đèng mat tơngai, đèng càl bơh Dăk Lăk dê.

Broă lơh uă đèng mat tơngai tàm Dăk Lăk lơh ai priă jền gơguh tai tàm tơl bă ù gơguh tus bơh 30 tus 40 dơ\ pơndrờm mờ chi tam gơdờp mờ bơta geh ngan ù tiah dê. Công ty Cổ phần Bơcri priă mờ Bơtàu tơnguh Đèng Đại Hải kơ\p kờ` geh dan lơh tai ală rơndăp broă lơh mờ UBND càr Dăk Lăk mờ hơ geh bơcri priă jat di bè ală jơnau sồr bơh UBND càr dê.

Jat UBND càr Dăk Lăk đơs, cồng nha lòt sền ală nam rềp ndo pà go\, càr geh tơl bơta nàng lơh uă đèng mat tơngai gơguh tus 16 rbô MWp. Tus tu\ do, tàm ù tiah càr dê neh geh 6 rơndăp broă lơh gam lòt sền mờ bơh sơnrờp lam lơh mờ kờp jơh pràn lơh gơlik mờr 1 rbô MWp, tơrgùm uă ngan tàm 2 kơnhoàl tiah nhàr lơgar Ea Súp mờ Buôn Đôn. Nam 2019 do, tơnơ\ rơndăp broă lơh Srepok mờ Quang Minh, den geh tai 4 rơndăp broă lơh đèng mat tơngai geh ai mu\t lơh broă bal mờ kờp jơh priă tă lơh là gi\t nđờ jơ\t rbô tơmàn…

Nàng ngui bơta pràn lơh gơlik đèng mat tơngai dùl bă dipal, Dăk Lăk neh kờp sền mờ gi\t tai uă rơndăp broă lơh geh bơta gơtùi mu\t lơh ngan ngồn, tàm bă ù pơgăp 7 rbô 500 lồ. Tàm bă ù hơ\, càr neh ai mpồl lơh sa kă bro in lòt sền 21 rơndăp broă lơh mờ kờp jơh pràn lơh gơlik rlau 2.200 MWp.

Bal mờ đèng mat tơngai, ồs đèng càl bơh Dăk Lăk dê kung bơh sơnrờp geh sơnđờm geh lơh bal mờ rơndăp broă lơh đèng càl Tây Nguyên gam geh lơh tàm xã Dliê Yang, kơnhoàl Ea H’leo.

Digơlan tus nam 2022, Công ty Cổ phần gùng dà broă lơh đèng càl HBRE geh bơcri pơgăp 13 rbô tơmàn, lơh gơs ală hìu măy geh jơh ală pràn lơh gơlik 436 MW. Mờ tàm tơngai tu\ do tơn, Dliê Yang neh gơ gơs là anih lòt còp lơh gơkờ` ngan cau kơnòm să, tu\ ală jrong turbin đèng càl bơh rơndăp broă lơh tơngai dơ\ 1 geh lơh gơs.

Rơndăp broă lơh đèng càl tàm Ea H’leo

Ồng Nguyễn Hoàng Hịêp, Phó Kuang atbồ Công Ty do pà gi\t, sơnđờm bơh nhai 3 do, ală mpồl măy geh dơ\ dùl dơ\ ai pờ tơlik đèng.

Tàm nhai 3 nam do bol geh pờ tơrlòng lài 5 mpồl măy lơh gơlik đèng kă bro, tus nhai 6 nam do den 12 mpồl măy geh ai mu\t lơh gơlik đèng nàng tơmu\t bal tàm gùng che đèng dà lơgar. Ai gơ wèt mờ tơngai dơ\ 2, mờ tơngai dơ\ 3 den bol a` geh pơn jat tai lơh sră nggal bơtơl rơndăp ù tiah jun mờ UBND càr in; hơ\ sồng crăp ơn nàng tus nam 2022 geh lơh gơs jơh ală rơndăp broă lơh.

Mu\t tàm Dăk Lăk tus bal Dơ\ lơh chờ kơphê Buôn Ma Thuột dơ\ 7, ồng Trương Hoà Bình, Phó Thủ tướng Thường trực Chính phủ dê đơs là: “brê bơnơm chi che dờng ơning ơnàng” là bơta kuơmàng ngan bơh Dăk Lăk dê, càr pal jòi ală gùng dà broă lơh, ală priă jền nàng bơtàu tơnguh geh cồng nha.

Mơya, Dăk Lăk kung geh ală kơnhoàl ù tiah ro kơnra` bềng tơngai mờ càl, tơngai duh sùm gùt nam. Do là bơta kal ke gơ wèt mờ lơh sa sươn sre brê bơnơm, mơya là bơta [ươn tài bơh geh bơta gơcrà duh bơh mat tơngai mờ bơta pràn bơh nhơm càl dê nàng lơh uă đèng kas màng ngan, pal gi\t bơcri priă nàng lơh, cèng wơl cồng nha lơh sa uă ngan.

Ai jat ồng Trần Tuấn Anh, Bộ trưởng Bộ Công thương den tus tu\ do, tàm gùt lơgar neh geh 121 rơndăp broă lơh đèng lơh wơl neh geh ai sră lơh, mờ kờp jơh pràn lơh gơlik geh dan lơh gơguh tus 10 rbô MW, sơrlèt uă ngan pơndrờm mờ pràn lơh gơlik 8 rbô MW jat rơndăp ù tiah bal bơh gah lơh đèng dê tus nam 2020.

Mơya, măy mok dunia dê tam gơl mhar ngan, dong Việt Nam geh tơl bơta tơnguh uă khà đèng lơh geh bơh càl, đèng bơh mat tơngai tàm ală anih lơh đèng dà lơgar. Dăk Lăk geh uă bơta pràn nàng gơ gơs là dùl tàm ală càr bơh sơnrờp ngui geh bơta pràn bơh he dê, tu\ ală bộ gah lơh broă dan mờ Chính phủ geh ală broă dong kờl pa.

Dăk Lăk là dùl tàm ală càr geh bơta gơjroh gơcrà bơh bơta duh mat tơngai dê uă khà dùl khà bàr gùt lơgar. Ală mpồl lơh sa kă bro tàm do kung geh ală jơnau đơs loh làng ngan bè ală bơta ờ pràn, bơta kòl yan.

Bộ Công thương geh ală jơnau sền swì loh làng bè broă do mờ bal mờ ală bộ gah lơh broă dà lơgar dê dan mờ Chính phủ ring bal. Kơ\p kơnờm tàm tơngai tus, geh pơn jat tai lơh pràn bơcri priă làng bol lơh is, kung bè bơtàu tơnguh gah lơh đèng tàm Dăk Lăk mờ Tây Nguyên.

Dăk Lăk gam tàm tơngai kàl prăng dờng. Càl mờ tơngai duh tơ àl gơlơh bè ồs sa gơlơh bè lơh ro ra` jơh nhơ\t chi che, gơ lơh bè jồp sa jơh pràn kis bơh ù tiah dê, lơh broă lơh tơrmù r[ah tàm do ngai sơlơ gơlik gơs bòl glar kal ke ngan. Gơ wèt mờ ală rơndăp broă lơh bè ồs đèng lơh geh wơl, đèng càl, đèng mat tơngai geh lơh, càr gơlơh bè jòi bàn gùng lòt pa ai rài tơnơ\ do in.

Ală kơnhoàl ù tiah kal ke ngan rlau jơh geh sòl pơnđàng àng tài bơh bơta àng đèng, ală kơnhoàl ù tiah gam wơl geh pơn jat tai ngui bơta pràn bơh ù tiah pơrhê bazan, mờ ală bă brê, ală sươn kơphê, tiêu, chi sa plai pas sơm ngan. Ồs đèng lơh bơh càl pơgồp bal mờ “bơta kuơmàng brê bơnơm dờng ơning ơnàng dê” geh dong càr Dăk Lăk geh broă bơtàu tơnguh pa.

Cau mblàng Lơ Mu K’Yến