VOV4.K’ho - UBND càr Dak Lak pa tơl^k rơndăp broă bè broă lơh hòi jà lam sồr nhơl chờ, tơmù hoàc huơr bơh kòp Covid-19 lơh gơbàn, kờ` rơhời tơnguh wơl broă lơh gah nhơl chờ tàm tơngai kòp gơtòp mờ tu\ tơn jơh kòp gơtòp.

Jăt mờ hơ\, bơh tu\ do tus jơh nam 2020, càr Dak Lak lơh ngan tus bal mờ broă hòi jà lam sồr nhơl chờ lơgar Việt Nam nam 2020 geh mpồl tam klăc nhơl chờ Việt Nam bơyai lơh, mờ bơyai lơh ală broă hòi jà lam sồr tàm càr do; bơ\t bơtàu rùp rài nhơl chờ Dak Lak là anih tus niam ờ do ờ dă, đềt mềr, niam.

Càr Dak Lak kung lơh ală broă dong kờl gơwèt mờ mpồl lơh sa kă bro nhơl chờ bè sền wơl broă tơnjo\ tă dia, tơmù priă dia ai ală mpồl lơh sa kă bro nhơl chờ gơtìp aniai tài kòp Covid-19; tơmù priă cồng ai ală rơndăp broă bơcri priă blơi phan bơna nhơl chờ mờ tơnguh bơtàu phan nhơl chờ bơh ală mpồl lơh sa kă bro nhơl chờ.

Càr kung geh ngui ală broă lơh niam gơrềng tus mờ khà priă ồs đèng mờ ală broă dong kờl ndai di jăt mờ kơrnoăt tu\ do. Dong kờl mpồl lơh sa kă bro yal nhơl chờ tàm ală drà kă bro nhơl chờ geh bơta pràn ờ gơtìp aniai tài kòp gơtòp.

Cau mblàng Ndong Brawl