VOV4.K’ho- Mho ngai 14/9, Ủy ban Nhân dân càr Dăk Lăk neh tơlik sră nggal đơng lam broă lơh lam lơh bơto bơtê mờ bơsram tàm tơngai kòp Covid-19 gơlik geh kal ke. Jat hơ̆, gơ wèt mờ tiah geh đal git là tiah ờ geh kòp, kấp 2, kấp 3 mờ ală hìu bơsram bơto broă lơh geh bơto bơsram tơn, mơya cau pơgru bal mờ kơnòm bơsram pal gơ wèt tiah ờ geh kòp; kấp 1 bơto bơsram mờ broă lơh pờ tơn tàm internet, sơñio rùp mờ jàu lơh jơnau bơsram. Mìng is gơ wèt mờ kơnòm bơsram ơdŭ 1, ơdŭ 2 lam lơh lài bơto bơsram tàm anih sơñio rùp mờ ờ lơh jơnau pơrlòng, sền sơ wì ờs mờng tàm tơngai do, tŭ kơnòm bơsram lòt bơsram wơl den pal pơlam lơh jơnau pơrlòng lài mờ tŭ sền sơ wì ờs mờng. Mìng is kấp mầm non rlô bơsram tus tŭ geh jơnau yal pa.

Sở Giáo dục mờ Đào tạo càr Dăk Lăk tơngkah ală hìu bơsram, tŭ lam lơh ală broă lơh bơto bơsram pal yal mờ pơlam ai kơnòm bơsram, mè bèp in ală jơnau tơnggit ngan ngồn bè bơnàng jă, măi mok, phan ngui bơto bơsram; broă jàu kơnòl bơto bơsram; tơngume jơnau bơsram; broă lơh sền sơ wì mờ jơnau sồr bơsram sră gơ wèt tus mờ tơl broă lơh bơto bơsram.

Cau mblàng K’Duẩn