VOV4.K’ho- Tềng đăp bơta kòp Covid-19 gơbàn kal ke tàm càr Dăk Lăk, ngai 9/5, Mpồl duh broă sùm Ủy ban Mặt trận dà lơgar Việt Nam càr Dăk Lăk pa geh jơnau yal bè broă bơyai lơh jăt broă lơh pờ tơlik tơn tàm internet ală pơrjum tìp măt mờ cau tĕ khà hòi jà tĕ khà bơh cau tơlik măt tĕ khà Kuang bàng Quốc hội khoá XV càr Dăk Lăk dê. Tàm 2 ngai, 10 mờ 11/5, Ủy ban Mặt trận dà lơgar Việt Nam càr Dăk Lăk geh bơyai lơh ală dơ̆ pơrjum tìp măt mờ cau tĕ khà bơh broă lơh pờ tơlik tơn tàm internet nàng 15 nă cau tơlik măt Kuang bàng Quốc hội khoá XV càr Dăk Lăk in tìp măt mờ cau tĕ khà tàm 3 tiah tĕ khà.

Broă bơyai lơh pờ tơlik tơn tàm internet ală dơ̆ pơrjum tìp măt cau tĕ khà hòi jà tĕ khà bơh cau tơlik măt tĕ khà kuang bàng Quốc hội khoá XV càr Dăk Lăk dê nàng kờñ sền gàr ai broă lơh tìp măt cau tĕ khà hòi jà tĕ khà geh lơh niam ờdo ờdă, dipal mờ jơnau sồr rơcăng sơndră kòp Covid-19, mơkung sền gàr gơnoar kuơ bơh ală cau tơlik măt tĕ khà dê jăt di jơnau cih bơh adat boh lam dê.

Cau mblàng Lơ Mu K’Yến