VOV4.K’ho- Nàng kờñ pơndờm pơnđiang nùs nhơm ală kơnòm dềt gam sơm kòp mờ lơh jat broă ai ơm yah ngài bơh gah lơh sơnơm dê nàng rcang sơndră kòp Covid-19, ngai 17/9, Hội đồng đội càr Dăk Lăk mờ Hìu Niam chài Ơruh pơnu, kơnòm pa tàu mờ kơnòm dềt càr dê pơgồp bal mờ mpồl dong kờl bơyai lơh broă lơh “Đèng gŭ sòl àng bơta kơ̆p kờñ” Trung thu nam 2021.

Jàu phan ai kơnòm dềt tàm tiah ai ơm yah ngài tơrgùm bal in bơh ală Kuang bàng cau lơh sơnơm tàm tiah do dê

Jat hơ̆, mpồl neh tus còp mờ jàu pà 200 bơnah phan Trung thu ai ală kơnòm dềt tàm 4 tiah in, tàm hơ̆ geh: Hìu sơnơm ing sồ 1 mờ Tiah ai ơm yah ngài tơrgùm bal Hìu bơsram Cao đẳng Công nghệ Tây Nguyên tàm ƀòn dờng Buôn Ma Thuột; Tiah ai ơm yah ngài tơrgùm bal mờ ƀòn Pưk Prong, tàm xã Ea Ning, kơnhoàl Cư Kuin; mờ tiah wàng se tàm xã Cư Né, kơnhoàl Krông Buk. Tơl bơnah phan tàm hơ̆ geh ƀañ trung thu, dà toh, đèng gŭ nàng ală kơnòm dềt in wă rò sa tềp Trung thu tàm bơta tơl làm ngan rlau jơh dilah geh. Kờp jơh priă lơh broă lơh do dê là 30 tơlak đong.

Cau mblàng K’Hạnh