VOV4.K’ho- Nàng kờñ lơh pràn ală broă lơh dong kờl is tài mpồl bơtiàn wèt tus ơruh pơnu kơnòm dềt mờ làng bol geh rài kis kal ke tàm càr, rơnàng kơnòm să Dăk Lăk lam lơh broă lơh Dong kờl is kàl mrềt bal mờ uă broă lơh geh kuơ ngan. Jăt mờ hơ̆, ală kấp ƀộ đoàn tàm càr lam lơh pràn mblàng yal rơcăng sơndră kòp Covid-19 ai làng bol in; hòi jà tă pơgồp priă jền nàng pà gĭt nđờ rhiang bơnah phan mờ àu ram, ồi tơ̆ ram ai kơnòm bơsram rƀah in, jàu ală bơnah priă sơnđờm mŭt lơh broă ai ơruh pơnu in, dong kờl ơruh pơnu gĭt gơjrañ sang glài wơl rê wơl kis gơrờm bal wơl mờ mpồl bơtiàn.

Ală bơnah phan pà lời ai làng bol kal ke in tài bơh gơtìp gơrềng bơh kòp dờng Covid-19

Tỉnh đoàn Dăk Lăk rwah xã Ea Riêng, kơnhoàl M’Drăk nàng bơyai lơh broă lơh kấp càr mờ jàu pà 50 bơnah phan ai ală hìu bơnhă geh rài kis kal ke in, 10 nơm rơndeh coh bal mờ ồi tơ̆ ram mờ àu ram ai ală kơnòm bơsram in...Tàm broă lơh do, Tỉnh đoàn Dăk Lăk kung neh sơnđờm lơh 2 nơm hìu kờñ gơboh kòn bơnus ai hìu bơnhă đoàn viên ơruh pơnu kal ke bè hìu ơm in tàm kơnhoàl: Krông Pach mờ Ea Kar. Kờp jơh priă tă lơh broă lơh kâp càr là rlau 200 tơlak đong.

Cau mblàng Lơ Mu K’Yến