VOV4.K’ho- Pơn jăt tai lơh gơs sră rơcăng cih jơnau yal chính trị Pơrjum dờng cau ala măt Đảng bộ càr dơ\ 17, tơngai lơh broă bơh nam 2020- 2025, ngai 6/5, Thường trực Tỉnh ủy Dăk Lăk bơyai lơh pơrjum ai jơnau đơs tă pơgồp bơh ală cau geh bồ tơngoh jak, cau lơh broă niam chài, cau jak chài dê tàm sră rơcăng cih Jơnau yal chính trị Pơrjum dờng cau ala măt Đảng bộ càr dê.

Ồng Bùi Văn Cường, Ủy viên Đảng Dà lơgar, Bí thư Tỉnh ủy Dăk Lăk 

Pơrjum neh tơrgùm cribơyai mờ tă pơgồp jơnau đơs bè tơnggume jơnau yal chính trị mờ gùng dà Pơrjum dờng dê; jơnau kờ` bal mờ ală broă jàu, gùng dà broă lơh loh làng bè bơtàu tơngguh lơh sa- mpồl bơtiàn càr Dăk Lăk dê tàm tơngai lơh kơnòl broă bơh nam 2020- 2025.

Đơs pơndu\t pơrjum, ồng Bùi Văn Cường, Ủy viên Đảng Dà lơgar, Bí thư Tỉnh ủy Dăk Lăk cih dờp mờ jờng rơ ngan ală jơnau đơs tă pơgồp bơh ală cau geh bồ tơngoh jak, cau lơh broă niam chài, cau jak chaì dê.

Mơkung sồr, ală cau ala măt đòm jăt nùs nhơm geh kơnòl, pơn jăt tai kơlôi sơnơng tă pơgồp jơnau đơs nàng lơh gơs sră rơcăng cih Jơnau yal chính trị jun yal tàm Pơrjum dờng cau ala măt Đảng bộ càr dơ\ 17, tơngai lơh broă bơh nam 2020- 2025 in, pơgồp bơnah bơ\t bơtàu mờ bơtàu tơngguh càr Dăk Lăk ngai sơlơ pas sơm niam bơne\ ngan ngồn là anih tờm tiah Tây Nguyên dê.

 Cau mblàng Lơ Mu K’Yến