VOV4.K’ho- Tơnơ̆ 28 ngai sơm kòp Covid-19 tàm Hìu sơnơm Kòp Jòr bơsiă gơlik mhàm mờ Kòp klờm soh càr Dăk Lăk dê, ngai 24/09, cau kòp Y.N.N (91 sơnam, ơm tàm ƀòn Đrao, xã Cư Nĕ, kơnhoàl Krông Buk, càr Dăk Lăk) neh geh rê bơh hìu sơnơm. Cau kòp bơh lài tàm să neh geh kòp gơguh gùng mhàm mờ kòp klờm soh gơkòl jŏ sơnam.

                                                Cau kòp 91 sơnam geh rê bơh hìu sơnơm

Ală tŭ sơm kòp, cau kòp Y.N.N pal piam kòp bơh broă tă nhơm mờ oxy tàm tơngai jŏ jòng. Cau kòp Y.N.N là cau dờng sơnam ngan rlau jơh geh gŏ tus tơngai do bơh càr Dăk Lăk dê neh jai pha mờ kòp Covid-19. Do là bơta chờ hờp ờ gŏ di mìng bơh cau kòp, cau hìu bơnhă cau kòp dê lơm gời ờ mờ gam là bơta cih dờp bơta lơh ngan jơh nùs ngan bơh gah lơh sơnơm càr Dăk Lăk dê tàm broă lơh rơcăng sơndră kòp mờ sền gàr, sơm kòp ai cau kòp Covid-19 in. Kờp tus 4 jiơ mho ngai 24/09, càr Dăk Lăk neh gŏ 1 rbô 745 nă cau kòp Covid-19, tàm hơ̆ geh 1 rbô 183 nă cau geh sơm bời kòp.

Cau mblàng Lơ Mu K’Yến