VOV4.K’ho - Mờ nùs nhơm kờ` gơboh bal mờ bơngă ngềr ngan ai Bác Hồ in, pơgru Nguyễn Hồng Quân, dùl nă cau pơgru bơto Mỹ thuật tàm [òn dờng Buôn Ma Thuột, càr Dak Lak neh ai 9 nam kờ` cih jơnau yal yau nr^ jòng tus 13 rơbô 519 jơnau nr^ lục lát yal bè rài kis bal mờ broă lơh bơh Bác Hồ dê. Jơnau yal yau nr^ neh geh Mpồl Kỷ lục Guiness Việt Nam mờ geh hìu l^p sră Hội nhà văn Việt Nam ai sră l^p gơs sră.

Việt Nam dà lơgar a` dê

Pal pin bồ tơngoh, kòn bơnus Việt Nam

Pah tu\ tìp kal ke

Pal sền bơta pràn bơh bồ tơngoh Bác Hồ

Làng bol lơgar Việt Nam tu\ do

Sùm sền ngềr wa Hồ Chí Minh…

Hơ\ là ală jơnau nr^ du\t ndơl tàm pang sră cih “Jơnau yal bè Bác Hồ” jòng rơlao 13 rơbô 500 jơnau geh ală kơnòm bơsram cấp 2 Trần Bình Trọng, [òn dờng Buôn Ma Thuột, càr Dak Lak tam jào bal sền tàm thư viện hìu bơsram do dê. Pang sră geh pơgru Nguyễn Hồng Quân, deh nam 1980 bơto môn Mỹ thuật tàm hìu bơsram do neh ai jơh nùs nhơm cih tus 9 nam kờ` kơlôi sơnơng bè pang sră, rài lài do yal bè rài kis mờ broă lơh Bác Hồ dê.

                              Kơnòm bơsram tàm hìu bơsram cấp 2 Trận Bình Trọng sền jơnau yal yau nr^ bè Bác Hồ 

Yal bè pang sră geh cih, pơgru Nguyễn Hồng Quân pà g^t, bơh tu\ gam bơsram phổ thông, geh kơlôi sơnơng bè Bác Hồ bơh sră cih, jơnau nr^, jơnau đơs crih, bi neh ngềr ngan, g^t jơnau mờ gơboh kờ` ngan. Tơnơ\ do, tu\ bơsram guh rơlao tai, geh tìp mờ kơlôi sơnơng uă rơlao den bi neh tơl^k bồ tơngoh kơlôi geh cih bè rài kis Bác Hồ. Bi rơwah bơta nr^ lục bát tài do là bơta nr^ ờs mờng lơgar Việt Nam dê, đềt mềr mơya kung kal ke bè kơrnoăt cih. Pơgru Nguyễn Hồng Quân yal:

-Mùl màl bơh tu\ at gai cih, cih tus tàm tu\ gơs là tàm 9 nam. Tàm tơngai hơ\ den broă kơlôi sơnơng rài lài do, kơlôi sơnơng văn học kung pal roh tơngai lài mờ hơ\ jo\ ngan bloh.

Tơnơ\ mờ tu\ neh wă bè jơnau nr^ lục bát mờ geh ală nùs nhơm kơlôi sơnơng geh ngan den hơ\ sồng cih. Mờ tàm tơngai hơ\, den a` tìp kal ke bè jơnau tơng^t rài lài do. Hơ\ là bơta kal ke ngan tu\ kơlôi sơnơng bè jơnau tơng^t tòm rài lài do.

Dùl kal ke tai là lơh bè lơi geh sùm nùs nhơm kơlôi sơnơng sùm tàm dùl tơngai jo\. Dùl kal ke tai là tu\ cih den rài kis gơbàn bơsèl tàm tơngai jo\ bè hơ\, bè bơsram, bè lơh broă, den he pal rơndăp săp sèng tơngai.

Roh uă tơngai, bơta pràn mờ gơbàn uă kal ke, geh broă lam sồr bơh ală bơyô, cau lơh broă bal, jơnau yal yau nr^ neh geh cih gơs tàm lồi nam 2014.

                                          Pơgru Nguyễn Hồng Quân yal bè pang sră do mờ ală kơnòm bơsram

Jơnau yal yau nr^ do geh măt sơnđan là “Jơnau cih bè Bác Hồ”, geh 5 tăp, rơndăp di logic jăt rài kis, broă lơh bơh Bác Hồ dê, bơh tu\ pa deh tàm càr Nghệ An, lòt bơsram tàm Huế, lòt jòi gùng tơnklàs dà lơgar, lơh broă hờ lơgar bơdìh, rê hờ lơgar tòm bơ\t bơtàu bơyai lơh, crơng gơs Chính phủ ing Việt Nam, tam lơh pha lin mờ ling lơgar Tây sò tơm sơgràm pà dà lơgar…

Do geh sền là jơnau mùl màl geh nùs nhơm rài lài do, jơnau yal, jơnau nr^ pơn jờng Bác Hồ, geh Mpồl Kỷ lục Guiness Việt Nam dờp “Jơnau yal yau nr^ jòng ngan bè Bác Hồ geh cih mờ jơnau nr^ lục bát” tàm nam 2015.

                                         Pơgru Nguyễn Hồng Quân tu\ bơto tàm ơdu\ 

Bơh tu\ hơ\ tus tu\ do, pang sră do neh geh măt tàm thư viện hìu bơsram cấp 2 Trần Bình Trọng, geh uă kơnòm bơsram g^t tus mờ jòi sền. Oh Lê Nguyễn Mai Vy, bơsram ơdu\ 7E, hìu bơsram cấp 2 Trần Bình Trọng, [òn dờng Buôn Ma Thuột pà g^t:

-Tu\ ru den oh mu\t tàm thư viện kờ` jòi sră cih bè Bác Hồ kờ` g^t tai jơnau yal nàng tus pơrlòng yal yau bè Bác Hồ. Bơh pang sră pơgru Quân, dong kờl oh geh tai jơnau tơng^t bè rài kis bơh wa Hồ bè rài wa Hồ lòt jòi gùng tơnklàs dà lơgar kung bè ală broă lơh tàm dơ\ lòt wa Hồ dê neh dong kờl jơnau yal yau oh in tu\ oh lòt pơrlòng geh niam rơlao.

Đơs bè cau pơgru Nguyễn Hồng Quân, ồng Phan Vĩnh Hiệp, Phó kuang atbồ hìu bơsram cấp 2 Trần Bình Trọng pà g^t, pơgru Quân là cau pơgru `hăp `har ngan, geh kơnòl mờ broă lơh, kis niam mờ ală cau pơgru ndai, geh ală cau bơgoh kờ`.

                                               Sră dờp bơh mpồl Guiness Kỷ lục Việt Nam ai pang sră do in

Pang sră yal yal nr^ bè Bác Hồ bơh pơgru Quân cih ờ đơs wềng rơwàng ir mờ niam bơne\ ngan, [uơn gơmu\t tàm bồ tơngoh cau sền. Pang sră jơnau nr^ bè Bác Hồ neh geh Kỷ lục Việt Nam là cồng nha di pal ngan tus mờ broă lơh ngan tàm dùl tơngai jo\ bơh să tòm pơgru Nguyễn Hồng Quân dê.

-Pơgru Nguyễn Hồng Quân là dùl nă cau pơgru niam bơne\ mờ `hăp `har ngantàm broă lơh hìu bơsram dê. Tu\ do, pơgru là cau bơto Mỹ thuật, mờ là cau atbồ mpồl lơh broă sền gàr bơta niam kơnòm bơsram tàm hìu bơsram.

Rơlao 10 nam kơlôi sơnơng mờ cih gơs jơnau yal yau nr^ bè Bác Hồ bal mờ broă lam sồr bơh mpồl kuang atbồ hìu bơsram bal mờ broă kờ` lơh bơh cau pơgru ndai, pơgru neh cih gơs dùl pang sră jơnau nr^ geh Kỷ lục Việt Nam dờp. Do là dùl broă lơh pơn yờ să ngan.

Mùl màl mờ khà priă tu\ do ờ uă, den tàng pang sră cih jơnau nr^ bè Bác Hồ mìng rơ\p geh l^p 5 pang. Kơ\p kờ` jơnau yal yau nr^ bè Bác Hồ geh jòi go\ ală cau, geh ai pang sră do geh uă rơlao tai tus mờ làng bol tàm gùt lơgar.

Bu\ lah neh cih gơs mờ geh dờp kỷ lục dà lơgar bơh rơlao 3 nam lài, mơya tus tu\ do, pang sră cih jơnau nr^ bè Bác Hồ bơh pơgru Nguyễn Hồng Quân dê mìng rơ\p geh ală cau pơgru bal mờ kơnòm bơsram tàm hìu bơsram do g^t tus. Pơgru Nguyễn Hồng Quân yal, gam prăp priă nhai pah nhai. Tu\ geh tơl priă hơ\ sờng l^p tai, kơ\p kờ` jơnau yal yau nr^ bè Bác Hồ gờ` geh tus mờ ală cau sền.

Cau mblàng Ndong Brawl