VOV4.K’ho-Tơrnờm là phan `ô ờ gơtùi ờ geh tàm ală dơ\ sa tềp, ală dơ\ `ô sa yờ năc kuơ bơh ală jơi bơtiàn kòn cau Tây Nguyên dê. Nàng geh ală drăp tơrnờm [ô bơkah lơngồt ngan ai hìu bơnhă, gơ\p bơyô, cau pròc mhàm in tàm dơ\ sa tềp bơhiàn Kỷ Hợi, ală ngai do, uă hìu bơnhă cau Rơđê tàm [òn Ea Tiêu, xã Ea Tiêu, kơnhoàl Cư Kui`, càr Dak Lak neh sơnđờm [e\ tơrnờm.

Pa tơn jơh kàl pik plai kơphê, bi H’Nương Byă ơm tàm [òn Ea Tiêu, xã Ea Tiêu, kơnhoàl Cư Kui`, càr Dak Lak neh rơcang tai ală phan nàng [e\ tơrnờm. Tê gam rơso phe tru\ piang, bơr den hòi oh klau tus tùng drăp dờng, drăp dềt nàng ràu goh, tơngkah oh ùr sền wơl ka`, lơ\, nha prìt…

Bi H’Nương pà gi\t, nam do, hìu bơnhă bi lơh 8 drăp tơrnờm dờng, dềt tơl ală bơta nàng hìu bơnhă, jơi nòi in `ô bal tàm dơ\ sa tềp bơhiàn. Nàng geh dùl drăp tơrnờm bơkah pal rơcang bơh phan [e\ tus dì broă [e\, kờp du\ tu\ jiơ dipal, lơh bè lơi nàng gơ in di tu\ ngui mờ tơrnờm pal bơkah ngan rlau jơh.

Tơl hìu bơnhă geh ală broă [e\ tơrnờm krơi is nàng lơh geh bơta bơkah mùl go\, mơya kung gơcèng bơta bơkah krơi is sơl. Phan nàng [e\ tơrnờm kung là phe tru\ gơm sin lời ngềt halà ram (gơ jat tàm bơta trồ tiah) klài bal mờ ka` mờ lơ\ sàng goh, tơnơ\ hơ\ tơmu\t tàm drăp mờ ai nha prìt ndơl ndơ\p bơr drăp mờ ơn tàm anih ha pah.

Broă klài ka`

Bi H’Nương pà gi\t tai, bơta chài nàng lơh gơs bơta bơkah mùl go\ là gơ ơm tàm bơta ka` mờ bơta chài klài ka`- bơta ka` geh lơh bơh ală rơyas chi tàm brê. Broă lơh ka` tơrnờm sùm geh sền gàr ndơ\p ndơr ngan, ờ go\ lời ai cau lơi in gi\t mìng ai oh kòn kòn sau tàm hìu in gi\t lơm.

Ka` bơh yau lơh is den tàng gơ bơkah ngan mờ sàng kloh ngan, lơh bơh nha chi kơmhò chi brê. Dơ\ 2 là bơta chài klài ka` bơh tơl nă cau dê, bàr bơta hơ\ gơrềng. Kuơmàng rlau tai là pal geh ală drăp yau den bơta bơkah bơh tơrnờm dê geh sơlơ uă rlau tai.

Ai gơ wèt mờ ồng Y Bơng Êban, nam do 55 sơnam, neh geh mờr 40 nam [e\ tơrnờm. Bơh ngai gam dềt, ồng neh lơh quèng mờ ală broă lơh [e\ tơrnờm bơh bè ồng dê, là dùl tàm ală cau lơh tơrnờm bơkah ngan rlau jơh tàm [òn.

Tus dờng, mờ bơta chài [e\ tơrnờm geh bèp bơto yal wơl, ờ mìng lơh tơrnờm nàng `ô tàm hìu bơnhă lơm gời ờ mờ ồng Y Bơng gam lơh tơrnờm nàng tăc wơl mờ làng bol tàm [òn in pah tu\ geh ală dơ\ lơh chờ, `ô bau, ies [ồc cau chơ\t.

Bulah năc dan blơi tơrnờm pah ngai ngai sơlơ uă mơya bơta mờ ồng Y Dơng kơlôi sơnơng sùm là lơh bè lơi nàng prăp gàr geh broă lơh bơh yau tu\ mờ ngai do uă hìu bơnhă tàm [òn ờ gam lơh tơrnờm jat broă lơh bơh yau tai mờ rơhời tam gơl wơl tus lơh tơrnờm jat broă lơh rài pa mờ măy mok tu\ do.

Hìu a` mờng [e\ tơrnờm, tơnơ\ do a` geh bơto yal wơl ai bol kơnòm in ală mờng chài [e\ tơrnờm nàng prăp gàr bơhiàn bơh yau cau Rơđê dê ờ go\ di lơh roh te\ bơhiàn hơ\.

Drăp tơrnờm tu\ neh jơh [e\ sir 

Jat ồng Y Biol Knul, ơm tàm [òn Ea Tiêu, xã Ea Tiêu, kơnhoàl Cư Kui` yal, cau Rơđê đơs is mờ ală cau kòn cau tàm bơnơm Trường Sơn, Tây Nguyên đơs bal đơs là: tơrnờm là dà hùc bơh Yàng dê…cèng wơl bơta chờ hờp, bơta niam bơne\ den tàng tàm ală dơ\ lơh chờ sa tềp, ală broă dờng dềt kuơmàng bơh [òn lơgar, bơh hìu bơnhă dê ờ gơtùi ờ geh tơrnờm.

Tơl drăp tơrnờm ngan là dang che tàm bơrkuăt tơl nă cau bal mờ mpồl bơtiàn, dong jơh tơl nă cau ơm rềp bal wơl mờ gơ\p, tam klac bal tàm dong kờl bal tàm broă lơh sa mờ rài kis. Kuơmàng, `ô tơrnờm gam tơngo\ bơta tam klac, tàm jơm glòm bal mờ gơ\p đah ală cau tàm hìu bơnhă ngan là tàm dơ\ bồ sơnam pa.

Cau Rơđê tus tàm ngai bồ sơnam pa gơ jat tàm bơta geh ngan bơh tơl hìu dê, hìu lơi geh sa iar sa sur, [e\ tơrnờm nàng wa\ rò sơnam pa, sa tềp nàng yờ năc. Sơnđờm bơh ngai do tàm hìu neh [e\ geh 3 drăp.

Ngai do, [e\ tai nàng rơcang wa\ rò sơnam pa. Wa\ rò làng bol bơtòm tơrgùm mat bal, oh mi lòt lơh broă tiah ngài, sơnam pa khi hơ\ sồng rê wơl hờ [òn nàng tìp mat bal mờ hìu bơnhă, `ô sa bal, nting săp ală bơta niam bơne\ bal mờ gơ\p mờ kơ\p kờ` jơh tơl nă cau să jan sùm pràn kơldang mờ lơh sa bơtàu tơnguh rlau tai tàm nam pa.

~ô tơrnờm, dùl bơhiàn niam chài tàm rài kis bơh ală cau kòn cau Tây Nguyên dê

~ô tơrnờm là dùl bơhiàn niam chài tàm rài kis bơh ală cau kòn cau Tây Nguyên dê bơh rài yô rài yau. Bơdìh mờ kơnòl broă gơ wèt mờ ală yàng, gơ gam tơngo\ wil tơl nùs nhơm tam klac bal bơh [òn lơgar dê, nùs nhơm mềr năc ngan bơh cau tờm hìu dê.

Ngai bồ sơnam pa Cau tờm hìu mờ cau năc nggui dăp jơng dùl dar mờ jồp bồp tơrnờm `ô bơkah mơnga ngan, chờ hờp bal mờ gơ\p tàm săp ntas dròng cing mồng tu\ nggồr dờng tu\ nggồr dềt, ală jơnau tam ya bơne\ bơnài lơh gơkờ` ngan cau sền. Tơrnờm neh ai kòn bơnus sơlơ gơ tam klac rlau tai bal mờ gơ\p!

Cau mblàng Lơ Mu K’Yến