Tàm broă lơh, mpồl bơyai lơh neh jàu 16 bòr cing, 69 nơm đờng tíñ, mờ ală đờng goòng, phan ngui bal mờ gĭt nđờ rhiang nơm ồi àu yau bơh ală jơi bơtiàn: Rơđê, Lào, Tày Nùng, Thái, Mường, Thanh Y…ai 33 mpồl, mpồl đơs crih tam ya bơh ală thôn, ƀòn tiah jơi bơtiàn dồ êt nă cau tàm càr dê.

Broă lơh do lơh jăt broă rơndăp lơh nam 2024 bơh càr dê, gơ wèt tơnggume Jơnau lơh nền tàm pơrjum sồ 10 bơh Mpồl duh broă Làng bol càr Dăk Lăk bè prăp gàr mờ ngui niam niam chài cing mồng tàm càr tơngai bơh nam 2022- 2025 mờ broă lơh jơnau kờñ dà lơgar bơtàu tơngguh lơh sa- mpồl bơtiàn tiah làng bol jơi bơtiàn dồ êt nă cau mờ tiah nơm in bè prăp gàr, ngui niam bơta kwơ niam chài ờs mờng bơh yau niam bơnĕ bơh ală jơi bơtiàn dồ êt nă cau dê gơ jăt bal mờ bơtàu tơngguh lòt nhơl.