Ală broă lơh niam chài, đơs crih tam ya, dơ̆ lơh chờ rơ̆p bơyai lơh sùm tàm dơ̆ Sa tềp tàm uă tiah tàm càr Dăk Lăk dê, bè: Ngai chờ niam chài ală jơi bơtiàn kơnhoàl Ea Kar mờ dơ̆ tàm pơrlòng plung đăng grài, plung Kayak tàm kơnhoàl do dê (bơh ngai 4 tus ngai 6 sa tềp); Dơ̆ tàm pơrlòng plung ờs mờng tàm kơnhoàl Krông Ana (tàm ngai 7 sa tềp); Dơ̆ lơh chờ niam chài bơh yau Việt Bắc tàm kơnhoàl Krông Năng (bơh ngai 13 tus ngai 15 nhai 1 nam he); Dơ̆ tàm pơrlòng tam pơ̆t ờs mờng kơnhoàl Krông Pách rề ơnàng mờ tìp mat lơh kwèng đơs quan họ (bơh ngai 15 tus ngai 17 nhai 1  nam he).

Is ồn, tàm mang tơngăc nam yau wă rò nam pa, tàm Ƀlàng dờng 10 nhai 3, ƀòn dờng Buôn Ma Thuột geh bơyai lơh broă lơh đơs crih tam ya “Gờm chờ Đảng dờng màng, gờm chờ Nam pa Ất Tỵ nam 2025” mờ cuh phăo bơkào lơyah. Mơkung, tàm tiah tờm ală kơnhoàl Ea H’Leo, Krông Buk, Krông Ana mờ Ea Kar kung geh bơyai lơh broă lơh đơs crih tam ya mờ bơyai lơh cuh phăo bơkào drơng làng bol in tàm tơngai tơngăc nam yau wă rò nam pa.