VOV4.K’ho- Broă sền gròi tơnguh jơnhoa bơta niam mờ cồng nha lơh broă bơh công đoàn kơnă hơđơm dê tàm [òn dờng Buôn Ma Thuột, càr Dak Lak neh lơh tam gơl jơnau gi\t wa\ bơh mpồl lơh sa kă bro mờ cau lơh broă dê bè broă sền gàr gơnoar mờ bơta kuơ dipal mờ kơrnoat boh lam ai cau lơh broă in, bơh hơ\ gơhòi gơ jà geh bơta lơh bal ngai sơlơ uă bơh cau lơh broă dê tàm mpồl công đoàn, kuơmàng là gơ wèt mờ ală công ty, mpồl lơh sa kă bro is.

Mờr 10 nam lơh broă tàm Công ty Trách nhiệm hữu hạn môi trường Đông Phương (Dak Lak), bi Lê Thị Đông gơlơh niam nùs ngan mờ ală bơta dong kờl tàm công ty, kuơmàng là bơta sền gròi dong kờl tus bơta kuơ ai cau lơh broă in bơh công đoàn kơnă hơđơm công ty dê.

Mờ rài kis kal ke ngan, bơklau pal sơm kòp leh pah nhai, 2 nă kòn dềt gam tàm sơnam lòt bơsram, rài kis hìu bơnhă jơh ală kơnờm lơm tàm priă nhai bơh bi dê. Sền gròi tus rài kis hìu bơnhă bi Đông dê, Công đoàn Công ty neh sùm lòt còp, pơndờm pơnđiang jơh bal bè phan bơna mờ nùs nhơm. Bi Đông đơs bè do:

“Geh bơta sền gròi bơh công đoàn dê, bè pơndờm pơnđiang lòt còp, hơ\ sồng tàm ală ngai chờ, ngai rlô sa tềp den geh ală bơnah priă pơn jờng ndai, hơ\ sồng geh tai công đoàn ai lòt nhơl, kòp tê jê să, deh oh deh kòn den công đoàn kung lòt còp sền sơl. Hơ\ sồng ală bơnah kes priă den oh mi cau ùr kung geh dong kờl càn priă nàng bơcri bơtàu tơnguh lơh sa.

Dilah ờ mu\t bal tàm công đoàn den là he digơlan ờ geh ală bơta bè hơ\. Geh bơta sền gròi dong kờl bơh công đoàn dê bè hơ\ den tàng kung iang nùs sơl lơh broă jo\ jòng mờ lơh sir jơh broă geh jàu”.

Công đoàn kơnă hơđơm Công ty Trách nhiệm hữu hạn môi trường Đông Phương geh crơng gơs tơn bơh tu\ crơng gơs công ty, tus tu\ do neh geh 145 nă cau tàm mpồl, tàm hơ\ 90% là cau ùr.

Công đoàn neh geh uă broă lơh sền gròi dong kờl rài kis phan bơna mờ nùs nhơm ai cau lơh broă in, bè: bơyai lơh ală dơ\ tìp mat công nhân tàm ală ngai 8/3, ngai 20/10, pà phan tàm ngai tơngkah ngai deh, lòt còp tu\ công nhân gơtìp kòp tê jê să, pà phan ai công nhân geh rài kis kal ke in, jờng rơ công nhân lơh broă jak…

Kuơmàng bơh nam 2006, “Kes priă dong kờl gơ\p lơh sa” bơh Công đoàn Công ty dê geh crơng gơs, kờ` dong ală cau tàm mpồl kal ke geh jơnau kờ` càn priă nàng tam gơl rài kis broă lơh sa hìu bơnhă.

Kes priă do neh dong ai 100 nă cau tàm mpồl in geh càn priă bal mờ priă càn là bơh 5- 10 tơlak dùl nă cau. Mò Văn Thị Diễm, Chủ tịch Công đoàn kơnă hơđơm Công ty Trách nhiệm hữu hạn môi trường Đông Phương pà gi\t:

Công đoàn kơnă hơđơm geh crơng gơs bơh tu\ sơnđờm crơng gơs công ty mờ kung geh uă bơta sền gròi dong kờl ai rài kis cau lơh broă in, bè lơh ală broă lơh oh mi cau ùr tàm ală dơ\ lơh chờ, ơm rlô, dơ\ sa tềp bè ngai 8/3, 20/10, lòt nhơl, đơs crih tam ya, yờ sa…lơh geh tơl ală bơta dong kờl ai oh mi cau ùr in tìp mat lơh quèng bal mờ gơ\p nàng tàm yal tơngi\t bal bơta mờng chài.

Bal mờ hơ\, công đoàn gam geh dùl bơnah priă nàng ai oh mi cau ùr in càn priă dong kờl gơ\p lơh sa, sền gròi tus ală cau tàm mpồl geh rài kis kal ke, dong kờl ai ală oh kòn bơh hìu bơnhă geh cau pròc mhàm lơh broă tàm do gơtìp rềs àr lơh broă.   

Công ty Trách nhiệm hữu hạn môi trường Đông Phương là dùl tàm ală công ty lơh sa kă bro is tàm [òn dờng Buôn Ma Thuột lơh niam broă lơh bơ\t bơtàu công đoàn kơnă hơđơm, jơh nùs ngan sền gròi dong kờl ai gơnoar kuơ cau lơh broă in.

Jat tơrgùm kờp bơh Liên đoàn Lao động [òn dờng Buôn Ma Thuột dê, là tiah tu\ do geh mờr 200 công đoàn kơnă hơđơm bal mờ mờr 9.400 nă cau tàm mpồl, tàm hơ\ geh 64 công đoàn kơnă hơđơm gơ wèt công ty, mpồl lơh sa kă bro is.

Ồng Nguyễn Thanh Liêm, Chủ tịch Liên đoàn Lao động [òn dờng Buôn Ma Thuột pà gi\t, kơnòm lơh broă broă mblàng yal, bơ\t bơtàu công đoàn kơnă hơđơm pràn kơldang kơ\ kơl jăp den tàng tàm 5 nam do, broă crơng gơs công đoàn kơnă hơđơm, ngan là tàm ală mpồl lơh sa kă bro is ngai sơlơ geh sền gròi, sền dờng màng.

Kơnờm bè hơ\ mờ khà công đoàn kơnă hơđơm gơguh uă ngan, neh pơgồp bơnah sền gàr gơnoar mờ bơta kuơ dipal bơh cau lơh broă dê. Ồng Nguyễn Thanh Liêm, đơs:

Bơh cồng nha hòi jà crơng gơs công đoàn kơnă hơđơm mờ bơtàu tơnguh cau tàm mpồl den kung tơngo\ geh dùl bơta hơ\ là, ală cau atbồ mpồl lơh sa kă bro, ală mpồl lơh sa kă bro kung neh geh bơta gi\t wa\ dùl bă wil tơl ngan bè jơnau sồr bơh kơrnoat boh lam dê bè broă mu\t bal tàm mpồl công đoàn, tus bal sền gàr gơnoar mờ bơta kuơ dipal bơh công nhân, viên chức, cau lơh broă dê kung neh gơguh tai, sền go\ là geh bơta krơi is đah tu\ mu\t bal tàm mpồl công đoàn den cau tàm mpồl geh dờp bơta kuơ lơi hơ\.

 Ală gơnoar mờ bơta kuơ dipal bơh cau lơh broă dê neh geh công đoàn kơnă hơđơm sền gròi, jat sền, sền gàr mờ dong kờl rài kis phan bơna nùs nhơm bơh cau tàm mpồl dê geh niam rlau.

 Mờ ală broă lơh geh kuơ ngan, mpồl công đoàn gam ngai sơlơ đơs ngan gơnoar broă gơ wèt mờ công nhân, viên chức cau lơh broă, sền gàr gơnoar bơta kuơ dipal mờ kơrnoat boh lambơh cau lơh broă dê. Kuơmàng gơ wèt mờ ală mpồl lơh sa kă bro is, broă mu\t bal tàm mpồl công đoàn dong cau lơh broă geh sền gàr tu\ gơlik ală bơta tam pìt tam phà gơrềng tus gơnoar mờ bơta kuơ dipal bơh să tờm dê.

Cau mblàng mờ yal tơngi\t- Lơ Mu K’Yến