VOV4.K’ho - Bơh ală anih ai càn priă geh Đoàn ơruh pơnu atbồ, uă ơruh pơnu tàm càr Dak Lak neh geh priă mu\t lơh broă, sơn đờm broă kă bro mờ lài ngan neh geh cồng nha.

Pơgăp mờ do rơlao 1 nam, bi Vũ Việt Dũng, 26 sơnam, kis tàm [òn 7, xã Ea Kpam, kơnhoàl Cư\ Mgar, càr Dak Lak geh Huyện Đoàn Cư\ Mgar ai càn 50 tơlăk priă bơh Kes priă dà lơgar bơsong broă lơh (Gam sơnđan là priă 120). Geh priă, bi bơcri priă lơh hìu jàl tam bơsềt, lơh phan kờ` bu\t bơsềt ală bơta mờ ơnàng mờr 1 lồ. Kàl lơh sa sơrờp, mờ 10 rơbô kơl dung bơsềt bào ngư, 45 rơbô kơl dung bơsềt kơ mhơr bal mờ bơsềt rơyas bò, bi geh mờr 200 tơlăk priă.

Kờ` pờ ơnàng lơh sa, bi Dũng bal mờ mpồl cau bơyô bi dê neh pơgồp bal gơs hợp tác xã “Ơruh pơnu tơnguh bơtàu lơh sa-tam bơsềt kloh”, lơh bơnhă hur, hìu tam, blơi ală bơta phan lơh broă, pờ ơnàng broă tam tus 1 lồ nggùl. Jăt bi Dũng yal, tu\ do, broă kờ` bơsềt bal mờ phan kờ` bu\t bơsềt tàm drà kă bro uă ngan. Hợp tác xã gam lơh ngan bơ\t bơtàu khà măt kă bro bơsềt mờ pờ ơnàng drà tăc:

-Tu\ do, 1 ngai bol a` kung lơh geh bơsềt ris bơh 70 k^ tus 1 tạ, gam kơl dung den pah nhai geh tăc bơh 40 tus 50 rơbô. Tu\ do, phan kă bro bol a` mìng gam blơi uă ai ală drà in, mơya tàm tơngai tus, geh lơh khà măt kă bro mờ lơh kơl dung ơn phan kờ` tăc tàm ală siêu thị ha là tăc mờ lơgar bơdìh.

Kung geh Huyện Đoàn Cư\ Mgar dong kờl ai càn 20 tơlăk priă bơh Kes priă mu\t lơh broă Huyện Đoàn dê, bi Y Phăng Mlô, 2 sơnam, kis tàm [òn Jok, xã H’ Đing, kơnhoàl Cư\ Mgar neh geh tai priă kờ` bơcri tàm broă lơh sa, blơi tai phan lơh broă mờ lơh ngan mờ broă lơh khàp tam chi bơka.

Bu\ lah gơbàn kơl te jơng, mơya mờ nùs nhơm tơryang tơryồng tàm broă lơh, bơceh pa, bi Y Phăng neh jòi sền, bơsram mờ cau ndai, lơh geh uă bơta phan di pal mờ bơta kờ` bơh cau blơi dê. Tơnơ\ mờ 2 nam lơh, tus tu\ do, bi Y Phăng neh tơm jơh khà priă càn bơh Huyện Đoàn mờ geh priă sùm di pơgăp 50 tơlăk pah nam. Bi Y Phăng yal, bi geh pơn jăt tai pờ ơnàng broă lơh do, ai tai broă lơh ơruh pơnu tàm [òn in.

-Lài ngan, broă lơh kal ke ngan là priă, ờ geh uă mờ jơnau g^t wă tàm broă lơh kung ờ uă sơl. Tơnơ\ mờ 1 tơngai geh Huyện Đoàn ai càn priă, bơh tu\ hơ\, broă lơh kung ring niam rơlao. Tàm nùs nhơm kơ\p kờ` tus do, a` kờ` pờ ơnàng tai broă lơh do kờ` geh uă cau g^t tus, a` hòi jà tai cau lơh broă bal, kờ` dong kờl a` mờ ai broă lơh ală cau ờ geh broă lơh in.

Lo\ H’ Giang Niê, Bí thư Huyện Đoàn Cư Mgar pà g^t, kờ` lòt bal mờ ơruh pơnu mu\t lơh broă, mpồl Đoàn neh geh uă broă dong kờl ơruh pơnu in mu\t lơh broă. Bơh nam 2012, Huyện Đoàn neh lam sồr bơ\t bơtàu Kes priă mu\t lơ broă, tơl nă đoàn viên ơruh pơnu tus bal tă bơh 5 rơbô tus 20 rơbô priă tàm 1 nam. Tus tu\ do, Huyện Đoàn neh hòi jà mờ tă geh 270 tơlăk priă Kes priă mu\t lơh broă, ai 25 nă đoàn viên ơruh pơnu in càn kờ` bơ\t bơtàu ală broă tơnguh bơtàu lơh sa, mờ khà priă geh ai càn bơh 20 tus 40 tơlăk priă tàm 2 nam.

Bal mờ hơ\, ală cấp, bộ Đoàn kơnhoàl Cư\ Mgar gam sùm pơgồp bal mờ Ngân hàng Chính sách xã hội kơnhoàl bơcri priă càn sa priă cồng ờ uă ai ơruh pơnu in, dờp dong kờl ai càn priă rơlao 2 rơbô hìu ơruh pơnu in càn mờ kờp jơh khà priă jơnkah dồs 37 tơmàn priă.

Tàm nam 2017, bơh broă ai càn priă Kes priă dà lơgar bơsong broă lơh geh Đoàn dà lơgar ai lơh, Huyện Đoàn Cư\ Mgar neh pơgồp bal mờ Tỉnh Đoàn Dak Lak dong kờl 3 nă ơruh pơnu geh càn 50 tơlăk priă tàm 1 nă kờ` tam biăp mờ tam bơsềt kloh niam.

-Tơngai pa do, tài geh broă sền gròi bơh Tỉnh Đoàn neh bơcri 3 khà priă bơh priă 120, tàm hơ\ tơnguh bơtàu geh 3 broă lơh. Bơdìh hơ\ tai, Huyện Đoàn neh rơcang crơng gơs kes priă mu\t lơh broă ai ơruh pơnu in. ală cấp, bộ Đoàn neh lòt bal mờ ơruh pơnu tàm broă tơnguh bơta ngăc ngar kung bè dong kờl priă, broă lơh kờ` ơruh pơnu rơhời geh tơngo\ bơta jăk chài să tòm tàm broă tơnguh bơtàu lơh sa, bal mờ ală cấp, bộ đoàn kung bè gơnoar atbồ tàm ală tiah bơ\t bơtàu [òn lơgar pa mờ tơnguh bơtàu lơh sa tàm [òn lơgar.

Ờ mìng dong kờl priă, ală mpồl đoàn tàm kơnhoàl Cư\ Mgar gam pơgồp bal bơyai lơh ală dơ\ cri bơyai, pờ ơdu\ bơto broă lơh, bơto bơta gơguh jăk khoa học kỹ thuật, công nghệ pa tàm broă lơh sa, kă bro, hòi jà geh gal ơruh pơnu tus bal. Bơh tu\ hơ\, dong kờl ngai sơlơ uă đoàn viên, ơruh pơnu geh bơsram, tơnguh jơnau g^t wă, jòi geh gùng dà broă lơh di tàm broă tơnguh bơtàu lơh sa, lơh geh cồng nha, pơgồp bal tàm broă tơnguh bơtàu lơh sa [òn lơgar dê.

Cau mblàng Ndong Brawl