VOV4.K’ho- Tơ nơ\ 10 nam lam lơh rơndap lơh broă Bơto bơtê broă lơh ai cau lơh broă [òn lơgar in  jat Quyết định sồ 1956 bơh Thủ tướng Chính phủ, broă lơh bơto bơtê broă lơh ai cau lơh broă [òn lơgar in tàm Dak Lak neh cèng wơl cồng nha. Tơnơ\  dơ\ bơto bơtê, ală cau bơsram neh geh broă lơh kơ\ kơl jap, tơnguh pria\ lơh geh, pơgồp bơnah tam gơl rơndap tap sèng cau lơh broă mờ rơndap tap sèng lơh sa tàm tiah do dê.

Bi Trần Dũng Mạnh (29 sơnam, ơm tàm thôn 12, xã Ea Ktur, kơnhòal Cư Kuin) là cử nhân Điện tử viễn thông, mơya lik klờng neh dùl nam kung ờ jòi geh broă lơh jat mờ gah bơsram sơl. Nam 2014, bi Mạnh jat bơsram ơdu\ bơto sơ cấp broă ròng sur pờ tàm tiah do dê. Bi mhar ngan geh broă lơh mờ pria\ lơh geh sùm mờ broă lơh ròng sur tàm hìu ai dùl mpồl lơh sa kă bro dờng tàm ù tiah do dê. Pah nam hìu bơnhă bi ròng tàm hìu 2 dơ\ mờ mờr 2 rơbô nơm sur lơh poăc, pria\ lơh geh pơgap bơh 600 tus 700 tơlak đong. Sươn dờng bơh hìu bơnhă bi dê kung pơgồp bơnah lơh geh broă lơh kơ\ kơl jap ai 2 nă cau lơh broă tàm tiah do in sơl mờ pria\ lơh geh kờp bal 5 tơlak đong dùl nă dùl nhai.

Bi Mạnh đơs, kơnờm geh bơto bơtê broă lơh mờ bi geh bơta tam gơl nàng lơh geh broă bè tu\ do. Mờ bi kung dan mờ gơ noar atbồ tiah do pal geh bơta dong kờl pria\ bơcri ai cau bơsram ală ơdu\  bơto bơtê broă lơh in nàng bơtàu tơnguh lơh sa.

Jat a` broă lơh bơto bơtê bơh Anih tờm bơto bơtê niam ngan mơya nàng bơtàu tơnguh mờ geh cồng nha niam den pal geh bơta lơh bal rềp mềr ngan đah Anih tờm bơto bơtê mờ cau bơsram. Tài bơh cau bơsram ua\ ngan mơya bơta dong kờl bè pria\ jền kung bè bơta khin cha tơ nơ\ tu\ bơsram ờ hềt geh gùng dà niam den khi ờ hềt khin lơh, khi mìng g^t bơsram nàng g^t lơm, bơsram nàng drơng broă hìu bơnhă halà lơh broă dềt den lơh sa ờ hoàn niam ngan.

Kung geh broă lơh kơ\ kơl jap tơnơ\ tu\ bơsram broă lơh, bi Y Rô Zan Byă, ơm tàm [òn  Sút Mđưng, xã Cư Suê,  kơnhòal Cư Mgar pà g^t, bi sơn đờm lơh broă bơt bơtàu bơh nam 2011, mơya mìng là cau lơh broă bè ờs lơm. Sền g^t să tờm pal geh ală sră cơng tàng lơh broă nàng bươn ngan tàm broă dờp broă lơg tàm ală tiah den nam 2014 bi Y Rô Zan neh lòt bơsram broă lơh Kỹ thuật ơdu\ sơ cấp tàm Anih bơ to bơtê broă lơh- Hìu bơsram Giáo dục thường xuyên kơnhòal Cư Mgar. Bi Y Rô Zan đơs, tàm tơngai bơsram mờr 6 nhai bơsram tàm sră pơ àr mờ tàp lơh broă. Bi geh bơsram tai ua\ bơta g^t wă bè rơndap lơh mờ kờp g^t. Den tàng bè hơ\ tu\ jơh bơsram să tờm sền go\ pin dờn rlau tai tu\ dờp geh broă lơh. Tu\ do, pah nam bi dờp geh pơgap 20 broă lơh dờng dềt, pria\ lơh geh rlau 300 tơlak đong, lơh geh broă lơh ai 7 nă cau lơh broă bơt bơtàu ndai in mờ khà pria\ bơh 7 tơlak 500 rơbô đong tus 12 tơlak đong dùl nhai. Bi Y Rô Zan kung sùm lòt bơsram nàng tơnguh ua\ tai bơta chài lơh broă mờ hòi jà ală oh mi tàm mpồl lơh broă lòt bơsram te\   nàng ai sră cơng tàng lơh broă nàng tơ nơ\ do gơtùi lik is dờp broă lơh nàng lơh is.

Tơ nơ\ tu\ jơh bơsram ai sră cơng tàng den he lơh iang nùs rlau. Tàm tơngai tus a` kơ\p kờ` Anih tờm bơto bơtê broă lơh kơnhòal, càr dê lòt tus tàm [òn hòi jà cau bơsram, he  pờ ơnàng tai den ală cau ờ hềt geh broă lơh geh bơsram broă lơh nàng lơh jat broă bơsram.

Rơndap broă lơh Bơto bơtê broă lơh ai cau lơh broă [òn lơgar in tus nam 2020 jat Quyết định sồ 1956 bơh Thủ tướng Chính phủ dê geh lơh tàm Dak Lak bơh nam 2011. Tàm 10 nam do, gùt càr neh pờ geh rlau 1 rơbô ơdu\ bơto bơtê broă lơh ai mờr 36 rơbô nă cau lơh broă in. Tàm hơ\, geh rlau 82% ală cau lơh broă geh bơto bơtê neh geh broă lơh pa mờ lơh broă yau mơya geh cồng nha ua\, tơnguh pria\ lơh geh.

 Ồng Trần Phú Hùng, Kuang atbồ Sở Lao động – Thương binh mờ Xã hội, Phó Kuang atbồ Mpồl đơng lam Rơndap broă lơh càr Dak Lak đơs, bơh lơh jat Rơndap broă lơh neh lơh gơs 2, 3 broă lơh geh cồng nha bè lơh sa- mpồl bơtìan, dipal mờ bơta pràn tiah do dê. Mơya, kung gam geh 2, 3 bơta kal ke kờ` pal geh pơn jat tai tă bơsong nàng broă lơh bơto bơtê gơ in geh cồng nha rlau tai. Ồng Hùng pà g^t, Sở Lao động, Thương binh mờ Xã hội neh dan mờ Ủy ban Nhân dân càr, Ngân hàng tàm Dak Lak nàng ai tơl bơta ai cau bơsram broă lơh jơh tơngai bơsram geh g^t mờ khà pria\ bơcri, lơh jat ngan ngồn ală bơta neh bơsram. Pơn jat tai dan rcang ală phan mơna bơto bơtê broă lơh ai ală Anih tờm bơto bơtê in  tơnguh ua\ bơta jak chài ai mpồl pơgru bơto bơtê in. Jơnau kờ` bơh Dak Lak dê tàm tơngai tus là rlau 80% ală cau lơh broă bơh ơdu\ bơto bơtê geh broă lơh di pal mờ gah bơto bơtê broă lơh neh geh bơto bơtê mờ geh cồng nha lơh broă mờ pria\ lơh geh ua\.

Tàm tơngai tus broă bơto bơtê broă lơh ai cau lơh broă [òn lơgar in jat Quyết định geh bơto bơtê ai pơgap 30 rơbô nă cau lơh broă [òn lơgar in. Bol a` tơrgùm lơh lài bơto bơtê ai ală gah broă tàm gah lơh sa sươn sre mờ ờ  di gah lơh sa sươn sre. Tàm broă lơh sa sươn sre den bơto bơtê tơr gùm lơh lài broă bơto bơtê ai ală gah broă bè lơh gơlik phan jrô công nghiệp geh bơta niam ua\ mờ lơh gơlik jrô pơgồp bal mờ broă lơh gơlik phan. Ai ală broă lơh ờ di gah lơh sa sươn sre den pal pơgồp bal mờ broă lơh kuơ màng bơtàu tơnguh lơh sa- mpồl bơtìan mờ sac rơ wah ală broă lơh tờm bơh càr dê nàng geh bơta kuơ bơto bơtê, lơh geh bơta kơ\p gơn mpồl lơh broă di pal mờ jơnau kờ` lơh broă tàm càr tàm tơngai tus do.

Tơnơ\ 10 nam lam lơh, rơndap broă lơh bơto bơtê broă lơh ai cau lơh broă [òn lơgar tàm Dak Lak neh lơh geh ală cồng nha ngan ngồn, pơgồp bơnah tam gơl bơta g^t wă mờ rài kis lơh sa- mpồl bơtìan tàm tiah do dê. Cau lơh broă tơ nơ\ tu\\ bơsram geh tơnguh ua\ bơta chài, mut ngui ală bơta chài neh geh bơto bơtê tàm broă lơh sa, bơh hơ\ tơnguh ua\ pria\ lơh geh, kơl jap rài kis, pơgồp bơnah tàm gơl rơndap broă lơh cau lơh broa\ mờ rơndap broă lơh lơh sa tàm [òn lơgar, hời rơ hời lơh geh cồng nha ală broă jàu bơt bơtàu [òn lơgar pa.

Cau cih H’ Xíu M’ Mốc- Cau mblàng K’ Hạnh