VOV4.K’ho - Nam 2018, bal mờ broa\ ai càn rlau 1.200 tơmàn pria\ ai mờr 50 rbô hìu rbah mờ hìu mờr drờm mờ  hìu rbah càn pria\ nàng bơcri lơh sa, ròng phan  bơtàu tơngguh rài kis, tus tu\ do jơng kah dôs bơh Ngân hàng Chính sách xã hội càr Dak Lak neh rlau 4.200 tơmàn pria\. Mờ khà pria\ do, tàm ala\ nam do,  cau rbah mờ ala\ cau geh khà sra\ dong kờl ndai neh geh bơta gơtùi brồ guh, bơtàu tơngguh rài kis.

            Hìu nha\ mò Hoàng Thị Nhạn kis tàm xã Krông Nô, kơnhoàl Lak, càr Dak Lak pa lơh gơs hìu pa niam ngan nàng wa\ rò sa tềp nam pa 2019. Mò  Nhạn pà git, nam 1994 bơh tàm Hưng Yên  mut tàm Dak Lak tus ơm kis lơh broa\ sa. Tài ờ geh ù lơh sa den tàng lơh sa phan bơna hìu nha\ mò mìng kơnờm ngan mờ khà pria\ geh bơh pơ ùr lòt lơh mờng, bơkau lòt lơh ka. Neh 20 nam,  bơta  ờ suk jòi sa pah ngai. Nam 2014,  bơh mpồl càn pria\ tềm pêr bơh Mpồl cau ùr  xã Krông Nô, kơnhoàl Lak,  mò Nhạn geh càn 20 tơlak pria\ bơh broa\ lơh  dong kờl hìu rbah. Geh pria\, hìu nha\ mò khin cha lơh wàng blơi 2 nơm kơnrồ ròng. Kơnrồ dờng mò tac mờ blơi tai kơnrồ ròng, sùm bè hơ\, hìu nha\ mò Nhạn  neh geh 8 nơm kơnrồ, blơi tai 6 sào ù nàng tam nha  ròng tu:

             Rài yau mìng lòt lơh mờng lơm ờ  geh gơ pria\ jền, càn geh 20 tơlak pria\ bơh ngân hàng chính sách blơi 2 nơm kơnrồ ròng tu\ do neh geh 8 nơm, pơgap mờ do 2 nam neh lik klas rbah. Rài kis tu\ do kung niam đau ờ ir bòl glar bè lài tai.

             Ờ mìng mò Nhạn mờ ua\ ngan cau lơh broa\ sa tàm ala\ tiah kal ke bơh càr Dak Lak neh brồ guh lik klàs rbah bơh ala\ broa\ lơh ai càn pria\ bơh ngân hàng chính sách xã hội, Tài broa\ lơh bơh ngân hàng ờ mìng ai càn pria\ mờ gam dong làng bol lik klàs rbah, den tàng bơdĩh mờ pria\ geh càn, ngan hàng neh lơh ngan tus ala\ xã, [òn rbah nàng  lơh tam gơl rài kis bơh làng bol. Bơh  ala\ mpồl bơtìan geh ai bơsram, pơlam  làng bol rwah sơntìl chi tam, phan ròng di pal mờ  bơta geh ngan bơh [òn lơgar nàng bơtàu tơngguh cồng nha pria\ càn geh. Jat ồng Nguyễn Đình Sâm, Chủ tịch UBND xã Hoà Sơn,  kơnhoàl Krông Bông, càr Dak Lak, khà pria\ bơh broa\ ai càn bơh sơne\ Ngân hàng chính sách  xã hội neh pơ gồp bal ua\ ngan tàm tơmù hìu rbah tàm [òn lơgar:

            Jat Nghị quyết  bơh Đảng uỷ  kung bè hội đồng, pah ngan tơmù hìu rbah bơh 3-5%. Bơh mut lơh ala\ bro lơh den bro lơh do di pal ngan mờ  làng bol tàm tiah ua\ ngan  kal ke, rbah, drờm mờ cau rbah  mờ hìu pa lik klas rbah. Ngan la  ala\ broa\ lơh ai càn pria\ tàm tiah kal ke nàng bơtàu tơngguh lơh sa  hìu nha\ ka\ bro is nàng  bơtàu tơngguh rài kis làng bol  rhời brồ guh. Ngan ngồn la  tàm broa\ lơh bơt bơtàu [òn lơgar pa, bơh tu\ do tus nam 2020 ai Hoà Sơn geh 19 tàm 19 broa\ lơh.

             Tu\ do, Ngân hàng Chính sách xã hội càr Dak lak gam mut lơh ai càn 15 broa\ lơh càn pria\ ai cau chính sách. Nam 2018 pa do,  ngân nàng neh ai càn  rlau 1.200 tơmàn pria\ ai rlau mờr 49 rbô hìu  nha\ rbah, hìu mờr drờm mờ  rbah mờ hìu pa  jơh rbah geh càn pria\ nàng bơcri lơh sa, ròng phan bơtàu tơngguh rài kis,  tơngguh jơng kah dồs rlau 4.200 tơmàn pria\. Ồng Trần Mốt, Phó kuang atbồ ngân hàng ai git,  tàm tơngai tus, nàng chồl guh cồng nha khà pria\, ngân hàng geh pơnjat tai geh lơh bal mờ UBND ala\ xã, thị trấn, mpồl bơtìan  nàng dờp kờ` lơh gơs sra\ nggal, ai càn pria\ mhar, lơh di pal tam pà ala\ khà pria\ tus mờ làng bol, mơ kung bal làng bol tơmù rbah mhar, kơljap:

             Bơh ala\ naih lơh broa\ kơ\ dùl anih tàm ala\ xã, sơnah [òn bol a` pơnjat tai geh  jơnau yal  tờm  pa ngan nàng làng bol geh wa\ loh ala\ chính sách dong kờl bơh ngân hàng chính sách xã hội. Bal mờ hơ\,  bol a` gam lơh bal mờ 4 mpồl chính trị mpồl bơtìan nàng ai khà pria\ do tus tê làng bol. Bơh tềng hơ\,  bal mờ ala\ mpồl  dờp lơh sra\ nggal  nàng sền gròi broa\ lơh nàng khi geh ngui di bơta,  di cau lơh bè lơi nàng khi chồl guh geh cồng nha khà pria\ mờ đảng dà lơgar  dong kờl tus làng bol.

             Ngân hàng chính sách xã hội càr Dak Lak di pal ngan mờ bơta pin dờ` ‘’ Ngân hàng  bơh cau rbah’’, bè  broa\ làng bol gam  sơnđan. Ala\ broa\ lơh ai càn pria\ bơh ngân hàng mùl màl neh gơ gơs la bơta  kuơ màng ngan, la broa\ lơh ngan ngồn nàng dong càr  bơtàu tơngguh lơh sa mpồl bơtìan. Bơta do geh ai go\ bơh broa\ hìu nha\ rbah mờ ala\ cau chính sách neh lơh niam rài kis, tơmù rbah geh cồng nha.

          Cau mblàng K’ Brọp