VOV4.K’ho- Di tơngkah kir sơnrai 90 nam Ngai crơng gơs Đoàn Ơruh pơnu Cộng sản Hồ Chí Minh, ngai 24/3, Tỉnh đoàn Dak Lak mờ Tỉnh đoàn Dak Nông bơyai lơh broă lơh tìp mat kuang bàng bơh ală tŭ tơngai. Tàm dơ̆ tìp mat, ală kuang bàng neh yal wơl bơhiàn dờng màng bơh Đoàn Ơruh pơnu Cộng sản Hồ Chí Minh dê mờ lơh quèng, tam pà ală mờng chài kuơmàng, broă lơh niam nàng lam broă lơh Đoàn mờ srơh ơruh pơnu, kơnòm pa tàu, kơnòm dềt lơh geh uă cồng nha. Ală nam rềp ndo, Đoàn Ơruh pơnu Cộng sản Hồ Chí Minh càr Dak Lak sùm là mpồl jak ngan gùt lơgar, lam lài broă lơh Đoàn mờ srơh ơruh pơnu kơnòm pa tàu, kơnòm dềt cụm tiah Tây Nguyên.

Di tŭ do, dờp gơnoar ala mat Đoàn Ơruh pơnu Cộng sản Hồ Chí Minh dà lơgar, Ban Thường vụ Tỉnh đoàn Dak Nông bơyai lơh yal kơrnuat kuang bàng gơ wèt tus mờ ală gơnoar broă Phó Bí thư Tỉnh đoàn Dak Nông khóa 3, tơngai lơh broă bơh nam 2017 tus nam 2022. Jat hơ̆, bi Trương Văn Bình, Kuang atbồ mpồl srơh Tỉnh đoàn, Phó Chủ tịch Mpồl tam klac ơruh pơnu càr; bi H’Hồng, Bí thư Huyện đoàn Dak Glong geh tơn pồ lơh Phó Bí thư Tỉnh đoàn Dak Nông tơngai lơh broă bơh nam 2017 tus nam 2022.

Cau mblàng K’Duẩn