VOV4.K’ho- Ngai 3/8, UBND càr Dăk Lăk neh geh sră nggal pơyoa Bộ Công thương in dan dong kờl tăc phan lơh geh bơh lơh sa suơn sre tàm càr dê tàm hơ̆ uă ngan là phan bơna Bơ mờ Sầu riêng. Càr Dăk Lăk tŭ do geh pơgap 5 rơbô 300 lồ sầu riềng gam tơnhào, khà tơnhào nam do geh rlau 100 rơbô tấn, uă ngan là sơntìl Ri6, Đona bơkah niam. Gùt càr kung geh pơgap 5 rơbô nggùl lồ bơ gam tơnhàu, khà tơnhào pơgap 82 rơbô tấn. Nàng lơh jat niam jơnau kờñ dơ̆ lĕ bal sơndră kòp mờ bơtàu tơnguh lơh sa, UBND càr Dăk Lăk neh sồr ală tiah tàm càr rcang jòi uă gùng dà broă lơh nàng cau lơh broă sa in tăc phan bơna.

Bal mờ hơ̆, UBND càr Dăk Lăk geh sră nggal dan mờ Bộ Công thương dong kờl tàm tơrbŏ bal mờ ală drà kă bro điện tử, bơto pơlam lam lơh ală broă lơh tàm tơrbŏ bal tăc phan tàm tiah lơh sa sồ, ai phan bơna Bơ, Sầu riêng bơh càr dê tăc tàm drà kă bro điện tử.

Cau mblàng K’Hạnh