VOV4.K’ho- Tàm mpồng nhàr dà lơgar Pu Brăng, xã Quảng Trực, kơnhoàl Tuy Đức, càr Dak Nông, Ủy ban Nhân dân càr Dak Lak neh bơyai lơh jàu priă jền, kòi phe, phan sa, phan bơna dong càr Mondulkiri, lơgar Campuchia rơcang sơndră kòp Covid-19. Di tŭ do, kuang bàng, cau ling, làng bol càr Dak Lak pà càr Mondulkiri 200 tơlak đông, 5 tấn phe, 300 thùng ƀung mi, 7 rbô nơm chèu glòm muh mat; pà cau Việt Nam gam ơm kis, lơh broă tàm do 3 tấn phe, 300 thùng bung mi, 3 rbô nơm chèu glòm muh mat, 150 bơnah phan pà geh ală phan ngui sa, dà lơh kloh khuẩn.

Di tŭ do, Gah đơng lam ling klàng càr Dak Lak kung pà 2 tấn phe, uă phan ngui sa, dà lơh kloh khuẩn, chèu glòm muh mat... kờp priă rlau 100 tơlak đông pà Tiểu khu ling klàng càr Mondulkiri, Quân khu 1, Ling klàng dà lơgar Campuchia; Đoàn Ơruh pơnu Cộng sản Hồ Chí Minh càr Dak Lak pà ơruh pơnu càr Mondulkiri 10 rbô nơm chèu glòm muh mat.

Cau mblàng K’Duẩn