VOV4.K’ho- Mho ngai 19/11, Ủy ban Mặt trận dà lơgar Việt Nam càr Dăk Lăk neh dờp 1 tơmàn 500 tơlak đong bơh ală mpồl dong kờl broă lơh rơcang sơndră kòp Covid-19, geh 1 tơmàn 200 tơlak đong priă mat mờ 1 rbô bơnah sơnơm sơm cau kòp Covid-19 in, kờp priă 300 tơlak đong. Ủy ban Mặt trận dà lơgar Việt Nam càr Dăk Lăk pà git, tŭ do, broă gơlik geh bơh kòp Covid-19 dê tàm càr kal ke ngan, khà cau bơtờp kòp pơn jat tai gơguh uă pah ngai, gơguh tus rlau 6 rbô 600 nă, tàm hơ̆ geh mờr 2 rbô 500 nă cau gam sơm kòp.

Mờ ală bơta dong kờl geh dờp bơh ală mpồl lơh broă, Thường trực Mặt trận dà lơgar kấp càr geh sền sơwì mờ pơgồp bal mờ Sở Y tế tam pà ai ală mpồl lơh broă, hìu sơnơm mờ ală anih tờm sơm kòp Covid-19 in nàng drơng di tŭ jơnau kờñ bè sơnơm sơm kòp ai ală anih sơm cau kòp Covid-19 tàm càr in.

Cau mblàng K’Duẩn