VOV4.K’ho- Lơh jat jơnau hòi jà tă pơgồp bal blơi sơnơm vaccine mờ phan bơna lơh sơnơm rcang sơndră kòp Covid-19 bơh Ủy ban Mặt trận dà lơgar Việt Nam, tơnơ̆ rlau 1 poh hòi jà, bàr pe mpồl lơh sa kă bro, cau dùl nă să is tàm ù tiah càr Dak Lak dê tă pơgồp mờr 6 tơmàn đong bơh 30 mpồl lơh sa kă bro mờ cau dùl nă să is tus bal dong kờl. Tơnơ̆ tŭ lơh sir broă dờp, Ủy ban Mặt trận dà lơgar Việt Nam càr Dak Lak geh jun jơh tàm Kes priă vaccine bơh Ủy ban mặt trận dà lơgar Việt Nam dê, drơng broă tă tơm priă blơi sơnơm vaccine mờ phan bơna lơh sơnơm, rcang sơndră kòp Covid-19 tàm pà rê tàm ală tiah.

Ala mat Mpồl lơh sa kă bro Thép Đông Nam Á jàu priă tă pơgồp dong kờl ai cau ala mat in

Tàm ală ngai tus, Ủy ban Mặt trận dà lơgar Việt Nam càr Dak Lak pơn jat tai dờp priă tă pơgồp dong kờl bơh ală mpồl cau, cau dùl nă să is tàm ù tiah càr dê tàm hìu sồ 07 gùng Nguyễn Tất Thành, ƀòn dờng Buôn Ma Thuột, càr Dak Lak; halà bơh sồ tài khoản Mpồl dong kờl càr Dak Lak (gơwèt Ủy ban Mặt trận dà lơgar Việt Nam tàm Dak Lak) 3751.0.9035934.0000 - Kho bạc Dà lơgar càr Dak Lak.

Cau mblàng K’Hạnh