VOV4.K’ho – Lơh jat “Nam ơruh pơnu lơh broă dong kờl is tài mpồl bơtìan” mờ lơh broă uă “Nhai ơruh pơnu” nam do, cau kơnòm să càr Dak Lak gam lam lơh uă broă lơh geh kuơ, ngan ngồn. Ală kấp bộ đoàn neh lơh geh 7 nơm hìu nùs nhơm niam kờ` gơboh cau, git nđờ jơt anih nhơl `o\ ai kơnòm dềt in, [làng nhơl bơ lai, tùh sră măng non; hòi jà git nđờ rbô ngai lơh broă lơh gùng lòt [òn lơgar, khòm tơr gùm sồ siă, tam mờ sơngka sền gàr tờm chi.

Nùs nhơm “Nhai ơruh pơnu” bơh cau kơnòm să càr Dak Lak dê geh ai go\ mơ bơh ală ngai sơn rờp ai cau lơh broă, bal mờ dùl ròt ală broă lơh, bơnah broă ngan ngồn.

            Geh tai uă anih nhơl `o\  geh jàu dong ală oh dềt tàm tiah kal ke geh tai anih nhơl `o\ niam

Tàm kơnhoàl Buôn Đôn, tơnơ\ dơ\ bơyai lơh ai cau lơh broă bơh Tỉnh đoàn lam lơh, đoàn viên ơruh pơnu neh geh uă broă lơh dong kờl làng bol tàm [òn lơgar, bè: jàu hìu nùs nhơm niam kờ` gơboh cau, [làng nhơl bơ lai, anih nhơl `o\ ai kơnòm dềt in, pà priă dong kờl bơsram, rơndeh coh ai kơnòm bơsram r[ah in, lơh sră nggal nàng lơh sră kim ta…

Oh Võ Quang Song Toàn, kơnòm bơsram hìu bơsram kấp 2 Nguyễn Trường Tộ, xã Tân Hoà, kơnhoàl Buôn Đôn chờ hờp ngan tu\ dờp geh phan pà là rơndeh coh bơh ală bi ơruh pơnu dê: “Oh chờ hờp ngan tu\ dờp geh phan pà do. Tơngai lài oh neh lơh ngan rơndap tu\ jiơ bơsram dipal, hìu bơsram bơyai lơh ală broă lơh bè ală dơ\ lơh broă, ală srơh den oh ndrờm tus bal lơm. Tu\ geh rơndeh coh pa den gùng lòt bơsram geh mhar rlau mờ tơrmù [à tu\ jiơ tus hìu bơsram kung bè oh geh uă tu\ tơngai lơh broă ndai nàng dong mè bèp”.

Nùs nhơm “Lơh broă is tài mpồl bơtiàn” bơh Nhai ơruh pơnu dê mhar geh gơ rề tus ală kấp bộ đoàn tàm càr Dak Lak mờ dờp geh bơta lơh jat jơh nùs ngan bơh cau kơnòm să gùt càr dê. Ală broă lơh ndrờm wèt hờ mpồl bơtiàn, tă pơgồp bal bơta pràn bơt bơtàu [òn lơgar pa.

            Ơruh pơnu dong làng bol tàm [òn lơgar sờng, lơh niam wơl hìu chài rơ gơi [òn 

Bi Nguyễn Minh Tuệ, Bí thư Đoàn Khối mpồl lơh sa kă bro càr Dak Lak pà git, bơh bồ nam, Đoàn Khối neh geh broă rơndap lơh mùl màl ai broă lơh nhai ơruh pơnu in bal mờ uă broă lơh ngan ngồn: “Bơh bồ nam Đoàn Khối neh đal git tơngume bơh nhai ơruh pơnu dê hơ\ là “Cau kơnòm să khối mpồl lơh sa kă bro lam lài tài rài kis mpồl bơtìan”.

Jat hơ\ den Đoàn Khối neh hòi jà ală bơta dong kờl nàng lơh 4 nơm hìu nùs nhơm niam dong kờl cau ai ală hìu bơnhă geh sră dong kờl bơh dà lơgar, hìu bơnhă r[ah tàm càr in. Sơn đờm lơh broă lơh sòl àng 2 kơi sồ gùng lòt [òn lơgar, jàu 10 bơnah priă dong kờl bơsram “Dong kờl tus hìu bơsram” ai ală kơnòm bơsram r[ah bơsram jak in mờ đơng lam ală mpồl đoàn kấp hơ đơm dùl ròt bơyai lơh ngai chờ ơruh pơnu lơh broă dong kờl is mờ ală  broă lơh wèt hờ hìu bơnhă geh sră dong kờl bơh dà lơgar, mè Việt Nam khin cha jak chài, kơnòm dềt r[ah, kơnòm dềt kòn cau… Bal mờ hơ\, den đoàn khối kung bơyai lơh ală broă lơh mblàng jơnau, lòt tàm gùng mblàng yal rơcang sơndră càn priă sa priă cồng uă, dùl ròt ai cau lơh broă lam lơh ngai rlô tơlir tài gơguh jak tiah drà”.

Bal mờ ală broă lơh dong kờl is tài mpồl bơtìan, bơta pơlam jòi broă lơh,  yal tơnggit broă lơh mờ broă sơn đờm mut lơh broă kung geh cau kơnòm să càr Dak Lak sền gròi ngan. Tàm nhai ơruh pơnu nam do, bơdĩh mờ ală bơnah dong kờl priă càn, ai càn priă geh dong kờl priă cồng, Tỉnh đoàn pơgồp bal mờ Sở Lao động – Thương binh mờ Xã Hội bơyai lơh uă dơ\ pơlam, yal tơnggit broă lơh ai đoàn viên ơruh pơnu in, bơh hơ\ dong git nđờ rhiang nă ơruh pơnu jòi geh broă lơh dipal, lơh geh priă jền.

                      Đoàn viên kuang àng dong làng bol lơh sră nggal nàng lơh sră kim ta

Ồng Nguyễn Chiến Thắng, Phó Kuang atbồ Phòng broă lơh - Ờ do ờ dă lơh broă, gơwèt Sở Lao động – Thương binh mờ Xã Hội càr Dak Lak pà git: “Pah nam Sở Lao động – Thương binh mờ Xã Hội pơgồp mờ Tỉnh đoàn, ngan là tàm nhai lơh broă uă là nhai ơruh pơnu den geh uă broă lơh, tàm hơ\ geh broă pơlam jòi broă lơh den Sở geh jà ală mpồl lơh sa kă bro geh jơnau kờ` rơwah cau lơh broă tàm càr mờ bơdĩh càr mờ rơ wah cau lơh broă, ai cau lòt lơh broă hờ lơgar ndai tus tơn pơlam mờ rơwah cau lơh broă tàm càr”.

Jat bi Y Nhuân Byă, Bí thư Tỉnh đoàn Dak Lak, nam do mờ tơngume “Nam ơruh pơnu lơh broă dong kờl is”, ală broă lơh bơh cau kơnòm să dê geh lam lơh bơh bồ nam tơn mờ geh lơh sùm tàm gùt nam. Mìng is tàm nhai 3 do, tus tu\ do, ală kấp bộ đoàn neh lam lơh geh 7 nơm hìu nùs nhơm niam kờ` gơboh cau, 11 anih nhơl `o\ ai kơnòm dềt in, 11 [làng nhơl bơ lai, 10 tùh sră măng non; hòi jà tă pơgồp git nđờ rbô ngai lơh broă nàng lơh gùng lòt [òn lơgar, khòm tơr gùm sồ siă, tam mờ sơngka sền gàr tờm chi.

Ală cồng nha do neh sơr lèt rlau mờ broă rơndap lơh neh ai tơlik tàm nhai, bơh hơ\ neh ai go\ broă lơh ngan bơh cau kơnòm să gùt càr dê tàm ală broă geh lam lơh: “Bơtàu tơnguh cồng nha lơh geh bơh nhai ơruh pơnu ală nam lài dê mờ nam do là nam ơruh pơnu lơh broă dong kờl is, mờ nùs nhơm lơh broă ngan ngồn, tơnơ\ dơ\ bơyai lơh ai cau lơh broă, mờ ală broă lơh ngan ngồn den ală broă lơh neh geh jàu mờ ală broă lơh neh geh đal git. Mìng is jơnau kờ` bơh nam ơruh pơnu lơh broă dong kờl is dê là tam geh 100 rbô tờm chi, mơya tài trồ tiah Tây Nguyên tàm nhai 3 do ờ gơtùi nàng tam chi den tàng bol a` tơmut tàm broă lơh sơngka sền gàr tờm chi”.

Pơgồp bal ală srơh tàm pơr lòng mờ ală broă lơh ngan ngồn là broă lơh ngan ngồn bơh cau kơnòm să càr Dak Lak dê tàm tu\ lam lơh ală broă lơh tàm nhai ơruh pơnu. Bơh hơ\, ai go\ bơngă bơta pràn cau kơnòm să dê tàm ală broă lơh, geh tai uă broă lơh, bơnah broă ơruh pơnu geh lơh jơh, pơgồp bơnah dong uă cau tàm [òn lơgar geh dờp kuơ.

                                                                         Cau mblàng K’Duẩn