VOV4.K’ho- Gờm chờ tơngkah kir sơnrai 65 nam ngai crơng gơs mpồl tam klac ơruh pơnu Việt Nam (15/10), Mpồl tam klac ơruh pơnu Việt Nam càr Dăk Lăk neh lam lơh dơ̆ tàm pơrlòng uă gơ jat bal mờ ală tơngume lơh broă ngan ngồn, di mờ bơta geh ngan mờ broă gơlik geh bơh kòp bơtờp dê tàm ală kấp bộ mpồl. Gơ wèt mờ kấp càr, gùng lòt Añ kờñ gơboh dà lơgar añ neh jàu pà 10 nơm hìu nùs nhơm niam, 9 ƀlàng nhơl bơlai, 3 broă lơh sềr rùp kềng gah gùng lòt, tam rlau 25 rbô tờm chi.

Bal mờ hơ̆, Tỉnh hội kung jàu 100 tơlak đông priă bơcri sơn đờm mut lơh broă ai ơruh pơnu in, pà rlau 28 rbô kơldung phan mờ kơldung sơnơm gàr tơl niam rài kis bơh broă lơh “Tơlak kơldung tơl niam rài kis” bơh Đoàn dà lơgar lam lơh. Ală kấp bộ mpồl kung geh uă broă lơh ngac ngar, tam gơl broă lam lơh bơh lơh tơn gơs lam lơh pờ tàm internet bè: Dơ̆ pơrlòng sap đơs crih dà Mỹ, cribơyai sơn đờm kă bro tam gơl pa, bơceh pa ơruh pơnu, broă lơh “Ală cơnđùa jơng tài mpồl bơtiàn” mờ “Tơl nă ơruh pơnu dùl pang sră lơh bơyô”...

Cau mblàng K’Duẩn