VOV4.K’ho- Càr Dăk Lăk tŭ do geh 19 hìu măy pờ tơlik ồs đèng, kờp jơh bơta pràn pơgap 825 MW, khà dơng dà tàm ală tơnau dơng dà dê rlau 1 tơmàn 300 tơlak khối dà. Tŭ do mut tàm tơngai mìu càl rƀŭt dờng, ală hìu măy pờ tơlik ồs đèng neh pơgồp bal mờ mpồl lơh broă geh gơnoar neh rcang lài ală gùng dà broă lơh gàr niam bơta ờdo ờdă tơnau dơng dà kung bè mut ngui lơh gơlik đèng geh cồng nha, ngan là tàm tơngai kòp Covid-19 gam gơlik geh kal ke.

Càr Dăk Lăk rcang lài kờp sền ală broă lơh hìu măy pờ tơlik ồs đèng dờng, dềt tàm tơngai mìu dờng dà kŏ dà cò

Jat ồng Trương Công Hồng- Phó Kuang atbồ Sở Công thương càr Dăk Lăk dê đơs, bơh lòt sền lài mờ tơngai mìu càl rbŭt dờng, ală hìu măy pờ tơlik ồs đèng ndrờm lơh jat tơl làm mờ lơh jat niam ală jơnau sồr bè atbồ, mut ngui ờdo ờdă bơtơ̆t dơng dà, tơnau dơng dà; lơh lài ală gùng dà broă lơh sơndră wơl mờ mìu càl rbŭt dờng nàng gàr niam broă mut ngui lơh gơlik đèng ờdo ơdă; pơgồp bal mờ ală tiah gàr niam ală gùng dà broă lơh yuh dà tih tiah hơđơm. Tài bơh kòp Covid-19 gơlik geh kal ke, ală hìu măy pờ tơlik ồs đèng pal lơh jat niam ală broă lơh rcang sơndră kòp, sền gàr broă lơh sa kă bro kung bè broă lơh rcang sơndră trồ tiah lơh aniai.

Cau mblàng K’Hạnh