VOV4.K’ho- Dơ̆ pơrlòng jơh bơsram kấp pe nam 2021, Dak Lak geh rlau 19 rơbô 800 nă cau tus bal pơrlòng tàm 32 tiah pơrlòng, mờ rlau 830 cơldŭ pơrlòng. Sở Giáo dục  mờ Đào tạo càr Dak Lak hòi jà rlau 2 rơbô 700 nă cau tus bal drơng broă pơrlòng.

Tàm hơ̆ geh rlau 2 rơbô 250 nă Kuang bàng, cau pơgru sền pơrlòng tơn. Tŭ do, Gah bơto bơtê gam yal tơngĭt kơrnoat, bơto pơlam ai Kuang bàng, cau pơgru, cau lơh broă in tus bal drơng broă pơrlòng. Tềng đap bơta kòp Covid-19 gam gơlik geh kal ke, UBND càr Dak Lak neh sồr Sở Giáo dục mờ Đào tạo lơh nền bơto yal tus cau pơrlòng, cau tus bal tàm dơ̆ pơrlòng lơh jat niam ală jơnau sồr bè rcang sơndră kòp Covid-19 bơh gah lơh sơnơm dê, ờ hoan lòt tàm ală tiah ngan ngồn ờ kuơ. Gah Giáo dục mờ Đào tạo rcang lài pơgồp bal mờ Sở Y tế, UBND ală kơnhoàl, thị xã, ƀòn dờng mờ ală mpồl lơh broă geh gơrềng  gĭt loh bơta gơlik geh bơh kòp dê nàng lam bơyai lơh dơ̆ pơrlòng tàm càr di pal mờ bơta geh ngan, gàr niam ờdo ờdă ngan ai cau pơrlòng mờ jơh ală cau tus bal bơyai lơh pơrlòng in.

Cau mblàng K’Hạnh