VOV4.K’ho- Tơngai rềp ndo, tàm Dak Lak sùm geh càl gơ pồt mờ kơnàs, lơh hoàc hươr uă ngan tus gah lơh đèng in. Công ty Ồs đèng Dak Lak neh sơrbac mhar lơh niam wơl ală bơta gơ aniai mờ rơcang lài sơndră wơl mờ ală jơnau digơlan gơlik geh tu\ kàl mìu dà ko\ dà cò neh tus.

Dùl dơ\ càl gơ pồt pràn tàm gùl nhai 5 nam 2018 neh lơh pă gơ pừ rlau 20 jrong đèng trung thế tàm kơnhoàl Buôn Đôn

Jat tơrgùm kờp bơh Công ty Ồs đèng Dak Lak dê, bơh bồ nam tus tu\ do, mìu dờng, càl gơ pồt mờ kơnàs neh lơh hoàc hươr rlau 520 tơlak priă. Tàm hơ\, uă dơ\ càl gơ pồt pràn neh lơh pă gơ pừ 36 nơm jrong đèng trung thế mờ hạ thế, lơh tơrlah aniai mờr 110  chùm sứ cang đèng ală bơta, rlau 2.500 thơk che đèng gơtìp aniai jơh.

Kơnờm rơcang lài niam ală broă lơh, den tàng ală jơnau gơ aniai ờ niam sùm geh Ồs đèng Dak Lak lơh niam wơl di tu\

Tàm tơngai tàm jàu kàl đah kàl prang tus kàl mìu, sùm geh kơnàs, lơh aniai tus ală gơl gùng che đèng mờ ală trạm biến áp, lơh chơ\t đèng tàm bàr pe tiah. Ồs đèng Dak Lak gam lơh ngan sơndră wơl mờ ală jơnau digơlan gơlik geh nàng gàr niam ờdo ờdă tàm kàl mìu dà ko\ dà cò.

Cau mblàng Lơ Mu K’Yến