VOV4.K’ho- Nàng kờñ drơng niam ai dơ̆ tĕ khà kuang bàng Quốc hội khóa 15 mờ Hội đồng Nhân dân ală kấp tơngai lơh broă bơh nam 2021 tus nam 2026, Kong ti ồs đèng Dak Lak neh mờ gam lam lơh ală rơndap broă pờ tơlik ồs đèng kơ̆ kơljap, ờdo ờdă, pờ tơlik sùm tus tơl mpồl tàm tơngai geh lơh tĕ khà.

Jat ồng Trần Tấn Phụng, Phó Kuang atbồ Kong ti ồs đèng Dak Lak pà git, lài mờ dơ̆ tĕ khà, Kong ti neh sồr ală mpồl ồs đèng gơ wèt kong ti, sền gròi lòt sền, lơh niam gùng che đèng tàm jơh ală anih tĕ khà nàng gàr broă pờ đèng ờdo ờdă, pin dờn. Kong ti kung geh broă rơndap lơh ngui măi pờ tơlik đèng kuơmàng mờ 100% cau lơh broă sền gròi sùm ngui gùng che đèng, rơcang uă măi pờ tơlik đèng rơcang lài nàng bơsong niam broă gơlik geh dilah geh.

Dơ̆ tĕ khà Quốc hội khóa 15 mờ Hội đồng Nhân dân ală kấp tơngai lơh broă bơh nam 2021 tus nam 2026 tàm Dak Lak geh rlau 1 tơlak 200 rbô nă cau tĕ khà lòt pồ tàm 1 rbô 849 mpồl tĕ khà, tàm hơ̆ geh 8 mpồl tàm ală xã tiah nhàr dà lơgar geh lòt tĕ khà gờñ tàm ngai 22/5, gam wơl 1 rbô 841 mpồl geh đùh sră tàm ngai 23/5.

Cau mblàng K’Duẩn