VOV4.K’ho- Nàng kờ` ai đèng tơl, ờdo ờdă tàm kàl prang do, ngan là ai tơl đèng drơng tàm broă ơm kis mờ jơnau kờ` lơh sa ai năc ngui đèng in, công ty Ồs đèng Dak Lak neh rơcang lài lơh uă broă lơh mờ ală gùng dà pờ ngui gùng che đèng, pleh ngui uă ir đèng.

Kàl prang nam do tus gờ` den tàng jơnau kờ` ngui đèng tàm rài kis mờ broă lơh sa bơh năc ngui đèng dê tàm càr gơguh uă. Tàm tu\ dilah gơlik geh jơnau ờ niam ngan rlau jơh, dong jun đèng ala bơh ală gùng che đèng càr Dak Lak dê digơlan geh gơguh nisơna tus 450 MW (gơguh rlau dùl dơ\ mờ nggùl pơndrờm mờ kàl prang nam 2017).

Cau lơh broă gah đèng lòt sền, sền gàr măy mok đèng trạm biến áp

Bơta do lơh jơnau digơlan gơtìp aniai là uă ngan. Nàng tơrmù [à jơnau geh ngan ai uă ir đèng mờ gơlik jơnau aniai, bơh nhai lài tơn, công ty Ồs đèng Dak Lak neh lam lơh uă gùng dà broă lơh ai đèng, pleh ai đèng uă ir ai jơh ală gùng che đèng càr Dak Lak in.

Sơlơ lòt sền, gàr niam ờs mờng pah dơ\ măy mok, phan bơna, tơnguh bơta pràn bàr pe anih dong kờl, trạm biến áp dong kờl jun đèng, tam gơl măy biến áp ală trạm biến áp dong kờl jun đèng gơ in dipal.

Ồng Lê Hoài Nhơn, Phó Kuang atbồ Công ty Ồs đèng Dak Lak pà gi\t.

Bơh pơgăp mờ do 1 nhai tơn, bol a` neh sơnđờm lam lơh ală broă lơh loh làng nàng rơcang mu\t tàm kàl prang tus. Bol a` pal lơh sră cih mat cau ngui đèng kuơmàng nàng tàm tu\ dilah gơlik geh jơnau gùng che đèng ờ niam, ò tơl đèng den ală hìu hơ\ kung gam geh ai đèng tơl mờ sùm sơl.

Dơ\ 2 tai là bol a` kờp sền jơh ală gùng che đèng mờ he gam atbồ, bơh ală gùng che đèng tus dì trạm biến áp nàng sền swì ală broă lơh gam ờ pràn, gam ờ tơl den bol a` di tu\ bơsong kung bè bơtơl.

Cau mblàng Lơ Mu K’Yến